365తెలుగు డాట్ కామ్ ఆన్ లైన్ న్యూస్,న్యూఢిల్లీ, ఫిబ్రవరి 27, 2025: JSW MG మోటార్ ఇండియా అనురాగ్ మెహ్రోత్రాను సంస్థ మేనేజింగ్ డైరెక్టర్‌గా నియమించినట్లు అధికారికంగా ప్రకటించింది. మూడు దశాబ్దాలపాటు ఆటోమోటివ్ రంగంలో విశేష అనుభవాన్ని సంపాదించిన అనురాగ్, విక్రయాలు, మార్కెటింగ్, వ్యూహరచన, వ్యాపారాభివృద్ధి తదితర విభాగాల్లో కీలక నేతృత్వ బాధ్యతలు నిర్వహించారు.
టాటా మోటర్స్ కమర్షియల్ వెహికల్స్‌లో వైస్ ప్రెసిడెంట్ (స్ట్రాటజీ & ఇంటర్నేషనల్ బిజినెస్) గా, ఫోర్డ్ ఇండియాలో ప్రెసిడెంట్ & మేనేజింగ్ డైరెక్టర్‌గా పని చేసిన అనుభవం ఆయనకు ఉంది.
Read this also…JSW MG Motor India Appoints Anurag Mehrotra as Managing Director
Read this also…The Truth About Indoor Air: 5 Myths You Need to Stop Believing
గురుగ్రామ్ కేంద్రంగా అనురాగ్, JSW MG మోటార్ ఇండియాకు వ్యూహాత్మక అభివృద్ధిని అందించడంతో పాటు, సంస్థ ప్రధాన సూత్రాలైన వైవిధ్యం, అనుభవం, ఆవిష్కరణ, కమ్యూనిటీ అంశాలను మరింత బలోపేతం చేయనున్నాడు.
రాజీవ్ ఛాబా నాయకత్వం & భవిష్యత్తు పాత్ర
భారత మార్కెట్లో MG బ్రాండ్‌కు పునాదులు వేసిన రాజీవ్ ఛాబా, సంస్థను ఆవిష్కరణ, వినూత్నత, , కస్టమర్-సెంట్రిక్ విధానాలకు ప్రతీకగా మార్చారు. ఆయన నాయకత్వంలో, MG భారత మార్కెట్లో ముందంజలో నిలిచి, అధునాతన టెక్నాలజీ, వినూత్న ఉత్పత్తులను ప్రవేశపెట్టింది.
దాతృత్వం, వైవిధ్యం, పారదర్శకతలను ప్రోత్సహించిన రాజీవ్, MG మోటార్ ఇండియాను వేగంగా అభివృద్ధి చేయడంలో కీలక పాత్ర పోషించారు. భవిష్యత్తులో, ఆయన జాయింట్ స్టీరింగ్ కమిటీ సభ్యుడిగా మేనేజ్‌మెంట్, షేర్‌హోల్డర్లకు మార్గదర్శనం అందించనున్నారు.
Read this also…MG Cyberster Sets Record as Fastest Accelerating EV at Sambhar Salt Lake
ఇది కూడా చదవండి...కేవలం 30 నిమిషాల్లో ఢిల్లీ-జైపూర్ ప్రయాణం! భారతదేశపు మొదటి హైపర్లూప్ టెస్ట్ ట్రాక్ సిద్ధం..
నూతన నేతృత్వంపై పరిశ్రమ అభిప్రాయాలు
SAIC మోటార్ ఇంటర్నేషనల్ ఆపరేషన్స్ హెడ్ యూ దే, అనురాగ్ నియామకంపై స్పందిస్తూ:
“భారతదేశంలో MG బ్రాండ్‌ను స్థాపించడంలో రాజీవ్ ఛాబా కీలక పాత్ర పోషించారు. ఈ ప్రయాణాన్ని ముందుకు తీసుకెళ్లేందుకు అనురాగ్ మెహ్రోత్రా సమర్థ నాయకత్వాన్ని అందిస్తారని మేము నమ్ముతున్నాము. భారతీయ మార్కెట్‌పై లోతైన అవగాహన, అంతర్జాతీయ వ్యాపార పరిజ్ఞానం అనురాగ్‌కు ఉన్నందున, సంస్థ అభివృద్ధికి ఆయన కీలకంగా మారతారు.”
JSW MG మోటార్ ఇండియా డైరెక్టర్ పార్థ్ జిందాల్ మాట్లాడుతూ:
“న్యూ ఎనర్జీ వెహికల్స్ (NEV) విభాగంలో కీలక మలుపులో ఉన్న సమయంలో, మేము ఒక కొత్త దశను ప్రారంభించడానికి సిద్ధంగా ఉన్నాం. రాజీవ్ చేసిన అసాధారణ కృషికి మనస్ఫూర్తిగా ధన్యవాదాలు తెలియజేస్తూ, అనురాగ్ మెహ్రోత్రాను స్వాగతిస్తున్నాము.
భారతీయ మార్కెట్‌పై ఆయనకు ఉన్న లోతైన అవగాహన, NEVs పై ఆయన వ్యూహాత్మక దృష్టి మా సుస్థిర మొబిలిటీ లక్ష్యాలకు పూర్తి అనుగుణంగా ఉంటాయి.”
Read this also…JSW MG Motor India Introduces ‘Power Pack’ Offer for Hector Buyers
ఇది కూడా చదవండి...విడాకుల తర్వాత అనారోగ్యానికి గురైన ఏఆర్ రెహమాన్ మాజీ భార్య.. శస్త్రచికిత్స తర్వాత తన మాజీ భర్త కోసం పోస్ట్..
నూతన బాధ్యతలతో ముందుకెళ్లనున్న అనురాగ్
అనురాగ్ మెహ్రోత్రా, ఆటోమోటివ్ పరిశ్రమలో తన సమర్థ నేతృత్వంతో బ్రాండ్‌ను అభివృద్ధి చేయడంలో అనుభవం కలిగిన నిపుణుడు. బ్రాండ్ బిల్డింగ్, వ్యాపార విస్తరణ, వినూత్న వ్యూహాలతో సంస్థను నూతన గమ్యాలకు తీసుకెళ్లే అనుభవజ్ఞుడు.
స్థానికంగానే కాకుండా, అంతర్జాతీయ స్థాయిలోనూ బలమైన వ్యాపార ఫలితాలను అందించగల సమర్థత ఆయనకు ఉంది.