365తెలుగు డాట్ కామ్ ఆన్ లైన్ న్యూస్,సెప్టెంబర్ 8,2025: న్యాక్ ప్యాకేజింగ్ లిమిటెడ్ (Knack Packaging Limited) తన ఇనిషియల్ పబ్లిక్ ఆఫరింగ్‌ (IPO) కోసం డ్రాఫ్ట్ రెడ్ హెర్రింగ్ ప్రాస్పెక్టస్‌ (DRHP) ను మార్కెట్ నియంత్రణ సంస్థ *సెబీ (SEBI)*కి సమర్పించింది.
ఈ ఐపీవోలో భాగంగా కంపెనీ రూ. 475 కోట్లు విలువైన కొత్త షేర్లను జారీ చేయనుండగా, ఆఫర్ ఫర్ సేల్ (OFS) కింద మొత్తం 70 లక్షల షేర్లు విక్రయించనుంది.
సమీకరించిన నిధులలో ప్రధానంగా రూ. 435 కోట్లు ఖర్చుతో గుజరాత్ రాష్ట్రం మెహ్‌సానా జిల్లా, కడీ సమీపంలోని బొరిసానాలో కొత్త తయారీ ప్లాంటు ఏర్పాటు చేయనున్నారు. మిగతా నిధులు సాధారణ కార్పొరేట్ అవసరాలకు వినియోగించబడతాయి.
ప్యాకేజింగ్ రంగంలో వినూత్నతకు ప్రాధాన్యం ఇచ్చే ఈ కంపెనీ, ప్రింటెడ్,ల్యామినేటెడ్ వొవెన్ పాలీప్రొపిలీన్ (PLWPP) బ్యాగ్‌లు అలాగే PLWPP పించ్ బాటమ్ బ్యాగ్‌లు తయారు చేసి అందిస్తోంది. 2025 ఆర్థిక సంవత్సరానికి ఫ్లెక్సిబుల్ బల్క్ PLWPP బ్యాగ్‌ల విభాగంలో భారతీయ మార్కెట్లో కంపెనీకి దాదాపు 10.1% మార్కెట్ షేర్ ఉంది (మూలం: టెక్నోప్యాక్ రిపోర్ట్).
ఆహార ఉత్పత్తులు, పెట్ ఫుడ్ వంటి అనేక రంగాల్లో PLWPP బ్యాగ్‌లు అధిక బలమైన ప్యాకేజింగ్ సొల్యూషన్స్‌గా ఉపయోగపడుతున్నాయి. ఇవి బ్రాండ్ విజిబిలిటీని పెంచడమే కాకుండా, నకిలీ ఉత్పత్తుల ముప్పును తగ్గించి, ఆపరేషన్ల సామర్థ్యాన్ని మెరుగుపరుస్తాయి.
Read This also…Knack Packaging Limited Files DRHP with SEBI for IPO..
ఈ ఐపీవోకు సిస్టమాటిక్స్ కార్పొరేట్ సర్వీసెస్ లిమిటెడ్, ఐడీబీఐ క్యాపిటల్ మార్కెట్స్ & సెక్యూరిటీస్ లిమిటెడ్, పాంటోమత్ క్యాపిటల్ అడ్వైజర్స్ ప్రైవేట్ లిమిటెడ్ బుక్ రన్నింగ్ లీడ్ మేనేజర్లుగా వ్యవహరిస్తున్నాయి.