మహీంద్రా కార్లపై జీఎస్టీ తగ్గింపుతో భారీగా ప్రయోజనం.. నేటి నుంచే వినియోగదారులకు లబ్ధి!

365తెలుగు డాట్ కామ్ ఆన్ లైన్ న్యూస్, న్యూఢిల్లీ, సెప్టెంబర్ 6,2025 : వాహన తయారీ సంస్థ మహీంద్రా అండ్ మహీంద్రా (M&M) తమ ఐస్ (ICE) ఎస్ యూవీ (SUV) పోర్ట్‌ఫోలియోపై జీఎస్టీ తగ్గింపు ప్రయోజనాన్ని వినియోగదారులకు నేటి నుంచే అందిస్తున్నట్లు ప్రకటించింది. ఈరోజు (సెప్టెంబర్ 6, 2025) నుంచే ఈ తగ్గింపు అమలులోకి వస్తుంది. గతంలో సెప్టెంబర్ 3, 2025 న జరిగిన 56వ జీఎస్టీ కౌన్సిల్ సమావేశంలో ఈ జీఎస్టీ తగ్గింపుపై నిర్ణయం తీసుకున్నారు.

₹1.56 లక్షల వరకు ఆదా..

మహీంద్రా ప్రముఖ మోడళ్లైన బొలెరో, నియో, XUV3XO, థార్, స్కార్పియో క్లాసిక్, స్కార్పియో-N, థార్ రాక్, XUV700 వంటి వాటిపై ఈ జీఎస్టీ తగ్గింపు వర్తిస్తుంది. ఈ తగ్గింపు ద్వారా వినియోగదారులు ఒక్కో మోడల్‌పై రూ. 1.56 లక్షల వరకు ఆదా చేసుకునే అవకాశం ఉంది.

ప్రభుత్వ నిర్ణయానికి అనుగుణంగా..

కేంద్ర ఆర్థిక మంత్రి నిర్మలా సీతారామన్ అధ్యక్షతన జరిగిన జీఎస్టీ కౌన్సిల్ సమావేశంలో తీసుకున్న నిర్ణయానికి అనుగుణంగా మహీంద్రా ఈ చర్య చేపట్టింది. జీఎస్టీ తగ్గింపు మొత్తాన్ని వినియోగదారులకే బదిలీ చేస్తున్నట్లు మహీంద్రా సంస్థ అధికారికంగా తెలిపింది.

ఇది కూడా చదవండి…బాటా ఇండియా ‘ప్రైస్ ప్రామిస్’తో పండుగ ఆఫర్స్ : జీఎస్టీ తగ్గింపునకు ముందే వినియోగదారులకు 7% ఆఫర్..

1945లో స్థాపించబడిన మహీంద్రా గ్రూప్, ప్రపంచవ్యాప్తంగా 100కు పైగా దేశాలలో కార్యకలాపాలు నిర్వహిస్తోంది. వ్యవసాయ పరికరాలు, యుటిలిటీ ఎస్ యూవీలు, ఇన్ఫర్మేషన్ టెక్నాలజీ, ఆర్థిక సేవలు వంటి రంగాలలో ఈ సంస్థ అగ్రగామిగా ఉంది. ప్రపంచంలోనే అతిపెద్ద ట్రాక్టర్ల తయారీదారుగా కూడా మహీంద్రా గుర్తింపు పొందింది. పునరుత్పాదక ఇంధనం, వ్యవసాయం, లాజిస్టిక్స్, ఆతిథ్య రంగాలలో కూడా ఈ సంస్థకు బలమైన ఉనికి ఉంది.