365తెలుగుడాట్ కామ్ ఆన్ లైన్ న్యూస్, హైదరాబాద్, మే 31,2025: మిస్ వరల్డ్ 2025 పోటీలు హైదరాబాద్‌లోని హైటెక్స్ ఎగ్జిబిషన్ సెంటర్‌లో అంగరంగ వైభవంగా ముగిశాయి. ప్రపంచవ్యాప్తంగా అందం, తెలివితేటలకు ప్రతీకగా నిలిచిన ఈ పోటీలో థాయ్‌లాండ్‌కు చెందిన ఓపల్ సుచాత చువాంగ్‌స్రీ మిస్ వరల్డ్ 2025 కిరీటాన్ని గెలుచుకున్నారు.
టాప్ 4 ఫైనలిస్టులు:
విజేత: థాయ్లాండ్ – ఓపల్ సుచాత చువాంగ్‌స్రీ
మార్టినిక్ – ఔరెలీ జోయాచిమ్
ఇథియోపియా – హాసెట్ డెరెజె అడ్మస్సు
పోలాండ్ – మాయా క్లాజ్డా
మొత్తం 108 దేశాల నుంచి వచ్చిన అందమైన మహిళలు ఈ పోటీలో పాల్గొన్నారు. ప్రతి ఖండం నుంచి ఒక విజేతను ఎంపిక చేసి, వారిని టాప్ 4 ఫైనలిస్టులుగా ప్రకటించారు.
భారతదేశం నుంచి నందిని గుప్తా సత్తా చాటారు:
ఈ పోటీలో భారతదేశానికి ప్రాతినిధ్యం వహించిన నందిని గుప్తా, టాప్ మోడల్ ఛాలెంజ్‌లో విజయం సాధించి, ఆసియా & ఓషేనియా ఖండంలో టాప్ 4లో స్థానం సంపాదించి దేశానికి గర్వకారణంగా నిలిచారు.
ఇది కూడా చదవండి…ప్రపంచ పొగాకు రహిత దినోత్సవం –పొగాకు బాలల భవితకు ముప్పు
ఇది కూడా చదవండి…‘ఢిల్లీ ప్రభుత్వ పాఠశాలల్లో పేద విద్యార్థుల కోసం ప్రత్యేక ఫెలోషిప్ బోధనా కార్యక్రమం ప్రారంభం
ప్రత్యేక అవార్డులు, ప్రదర్శనలు..
ఈ వేడుకలో భారతీయ నటుడు సోను సూద్‌కు హ్యూమానిటేరియన్ అవార్డు ప్రదానం చేశారు. ఆయన సమాజ సేవకు గుర్తింపుగా ఈ అవార్డును అందించారు. శ్రీలంకకు చెందిన నటి జాక్వెలిన్ ఫెర్నాండెజ్, భారతీయ నటుడు ఇషాన్ ఖట్టర్ తమ అద్భుతమైన ప్రదర్శనలతో ప్రేక్షకులను అలరించారు.
“బ్యూటీ విత్ ఏ పర్పస్” థీమ్..
మిస్ వరల్డ్ 2025 పోటీ “బ్యూటీ విత్ ఏ పర్పస్” అనే థీమ్‌తో నిర్వహించబడింది. ప్రపంచవ్యాప్తంగా మహిళల సామాజిక బాధ్యతను ప్రోత్సహించడంలో ఈ పోటీ ముఖ్య పాత్ర పోషించింది.
ఈ వేదిక ద్వారా, మహిళలు తమ సామాజిక బాధ్యతను గుర్తించి, ప్రపంచంలో సానుకూల మార్పులు తీసుకురావడంలో భాగస్వామ్యమయ్యారు. ఇది కేవలం అందాల పోటీ మాత్రమే కాకుండా, మహిళల సాధికారతకు, సామాజిక అభివృద్ధికి ఒక వేదికగా నిలిచింది. www.missworld.com