365తెలుగు డాట్ కామ్ ఆన్ లైన్ న్యూస్,మే 8,2023: ఏప్రిల్ 23 నుంచి ఢిల్లీలోని జంతర్ మంతర్ వద్ద నిరసనలు చేస్తున్న మహిళా రెజ్లర్లకు మద్దతుగా దేశవ్యాప్త ఉద్యమం చేపట్టనున్నట్లు యునైటెడ్ కిసాన్ మోర్చా (ఎస్‌కెఎం) ప్రకటించింది.
అందులో భాగంగా మే 11 నుంచి 18 వరకు అన్ని రాష్ట్ర రాజధానులు, జిల్లా ప్రధాన కార్యాలయాలు, తహసీల్ ప్రధాన కార్యాలయాల్లో నిరసన తెలుపుతూ రెజ్లింగ్ సమాఖ్య అధ్యక్షుడు బ్రిజ్ భూషణ్ శరణ్ సింగ్‌ను అరెస్టు చేయాలని డిమాండ్ చేయనున్నారు.
ఈ కార్యక్రమంలో భాగంగా పంజాబ్, హర్యానా, ఢిల్లీ, పశ్చిమ ఉత్తర ప్రదేశ్‌కు చెందిన సీనియర్‌ ఎస్‌కేఎం నాయకులు, వందలాది మంది రైతులు, మహిళా రైతులు ఆదివారం జంతర్‌మంతర్ వద్ద నిరసన స్థలానికి చేరుకున్నారని ఎస్‌కెఎం నాయకుడు దర్శన్ పాల్ తెలిపారు.
బ్రిజ్ భూషణ్ శరణ్‌సింగ్‌ను వెంటనే అరెస్ట్‌ చేయాలని డిమాండ్ చేసేందుకు ఎస్‌కేఎం ప్రతినిధి బృందం ఢిల్లీ పోలీస్‌ కమిషనర్‌, కేంద్ర క్రీడాశాఖ మంత్రి, కేంద్ర హోంమంత్రిని కలుస్తుందని తెలిపారు. మే 11 నుంచి 18 వరకు దేశవ్యాప్త ఆందోళనల సందర్భంగా మోదీ దిష్టిబొమ్మలను దహనం చేయనున్నారు.