పీపీఎస్ మోటార్స్ షోరూమ్‌లో ప్రత్యేక కార్యక్రమం..
365తెలుగు డాట్ కామ్ ఆన్ లైన్ న్యూస్, మే18,2025 : ప్రపంచవ్యాప్తంగా 130 ఏళ్ల చరిత్ర కలిగిన, భారతదేశంలో 25 ఏళ్లుగా విశ్వసనీయతను చూరగొన్న స్కోడా ఇండియా, తన సరికొత్త తరం 4×4 SUV – స్కోడా కొడియాక్‌ను ఆవిష్కరించింది.
హైదరాబాద్‌లోని కొండాపూర్‌లో గల పీపీఎస్ మోటార్స్ స్కోడా షోరూమ్‌లో జరిగిన ప్రత్యేక కార్యక్రమంలో ఈ లగ్జరీ SUVని విడుదల చేశారు.
2025 సంవత్సరం స్కోడా ఆటో ఇండియాకు ఒక నూతన శకానికి నాంది పలికింది. ఇప్పటికే సబ్-4 మీటర్ SUV కైలాక్‌ను విడుదల చేసిన ఈ సంస్థ, తాజాగా ప్రీమియం పోర్ట్‌ఫోలియోలో తన స్థానాన్ని మరింత సుస్థిరం చేసుకుంటూ, రెండో తరం కొడియాక్‌ను భారతీయ వినియోగదారులకు అందుబాటులోకి తెచ్చింది.
అంతర్జాతీయంగా కూడా ఇది రెండో తరం మోడల్ కావడం విశేషం. ఈ సరికొత్త కొడియాక్ లగ్జరీ, అధునాతన ఫీచర్లు, అన్ని రకాల భూభాగాలపై ప్రయాణించే సామర్థ్యం, డ్రైవింగ్ అనుభవం, ఏడు సీట్ల సౌకర్యంతో లభిస్తుంది.
ఈ సందర్భంగా స్కోడా ఆటో ఇండియా బ్రాండ్ డైరెక్టర్ పీటర్ జానెబా మాట్లాడుతూ, “మార్చి నెలలో భారతదేశంలో అత్యధిక నెలవారీ అమ్మకాలను నమోదు చేశాం. కైలాక్, కుషాక్, స్లావియా వంటి మోడళ్ల విజయమే దీనికి కారణం. ఈ సంవత్సరం మేము సాధించాలనుకుంటున్న అనేక రికార్డులలో ఇది ఒక ప్రారంభం మాత్రమే.
మా దూకుడు వ్యూహానికి అనుగుణంగా, సరికొత్త కొడియాక్‌ను ఆవిష్కరించడం ద్వారా స్కోడా కార్ల శ్రేణి లగ్జరీ, సాంకేతికతలో మరో స్థాయికి చేరుకుంది.
ఆక్టేవియా, సూపర్‌బ్ వలె కొడియాక్ కూడా మాకు ఒక వారసత్వ చిహ్నంగా నిలుస్తుంది. ఇది నగర రోడ్లపైనే కాకుండా, ఎలాంటి భూభాగంపై అయినా అద్భుతమైన డ్రైవింగ్, హ్యాండ్లింగ్‌ను అందిస్తుంది” అని అన్నారు.
పీపీఎస్ మోటార్స్ మేనేజింగ్ డైరెక్టర్ రాజీవ్ సంఘ్వీ మాట్లాడుతూ, “అందరూ ఎంతో ఆసక్తిగా ఎదురుచూస్తున్న ప్రీమియం SUV – సరికొత్త స్కోడా కొడియాక్‌ను పరిచయం చేయడం మాకు చాలా సంతోషంగా ఉంది. అసాధారణమైన డ్రైవింగ్ అనుభవాన్ని అందించేలా రూపొందించిన ఈ కొత్త కొడియాక్‌లో అత్యాధునిక టెక్నాలజీ, ప్రీమియం ఫీచర్లు, బోల్డ్, డైనమిక్ డిజైన్ ఉన్నాయి.
ఇది కూడా చదవండి…ఆరోగ్యానికి, దీర్ఘాయువుకు, అద్భుతమైన శక్తినిచ్చే వైట్ తారా మంత్రం..
Read This also…Jio Shines in Hyderabad with Exceptional Network and Download Speeds
ఈ ఆవిష్కరణతో ప్రీమియం SUV సెగ్మెంట్‌లో పీపీఎస్ స్కోడా స్థానం మరింత బలపడుతుంది అనే నమ్మకం మాకుంది. కొత్త కొడియాక్‌కు లభిస్తున్న ఆదరణ మాకు ఎంతో ప్రోత్సాహాన్ని స్తోంది. మా కస్టమర్లు మాపై ఉంచిన విశ్వాసానికి, ఈ అద్భుతమైన స్పందనకు మేము ఎల్లప్పుడూ కృతజ్ఞులై ఉంటాము” అని పేర్కొన్నారు.
కొత్త స్కోడా కొడియాక్ 2.0 TSI పెట్రోల్ ఇంజన్‌తో వస్తుంది, ఇది 150 kW శక్తిని, 320 Nm టార్క్‌ను ఉత్పత్తి చేస్తుంది. ఇది ఏడు-స్పీడ్ డ్యూయల్-క్లచ్ DSG ట్రాన్స్‌మిషన్‌తో జత చేయబడింది.
ఈ SUV సరికొత్త డిజైన్ ,ప్రీమియం స్టైలింగ్‌తో స్పోర్ట్‌లైన్, సెలెక్షన్ ఎల్ అండ్ కే ట్రిమ్ ఆప్షన్‌లలో అందుబాటులో ఉంది. దీని ప్రారంభ ధర రూ. 46,89,000. ఈ లగ్జరీ SUV నగర రోడ్లతో పాటు అన్ని రకాల ప్రాంతాలకు వెళ్లే సామర్థ్యాన్ని కలిగి ఉంది.