365తెలుగు డాట్ కామ్ ఆన్ లైన్ న్యూస్,ముంబై, 7నవంబర్ 2024: డిజిటల్ చెల్లింపుల భద్రతను వినియోగదారుల్లో పెంచే లక్ష్యంతో, నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) కొత్త యూపీఐ సేఫ్టీ అవేర్‌నెస్ ప్రచారాన్ని ‘మై మూర్ఖ్ నహీ హూన్’ పేరిట ప్రారంభించింది.
ప్రముఖ డిజిటల్ చెల్లింపు సౌకర్యమైన యూపీఐ భద్రతను గుర్తుచేస్తూ, మోసాలకు గురికాకుండా వినియోగదారుల భద్రతకు చర్యలు తీసుకోవడం ఈ ప్రచారం ముఖ్య ఉద్దేశం. ఒగిల్వీ ఇండియా రూపొందించిన ఈ ప్రచారంలో భాగంగా, వినియోగదారుల భద్రతపై అవగాహన కల్పించడానికి ప్రముఖ నటుడు పంకజ్ త్రిపాఠీ ప్రధాన పాత్రలో నటిస్తారు.
యూపీఐ మోసాలకు గురికాకుండా వినియోగదారులు తమ లావాదేవీలను సురక్షితంగా నిర్వహించుకునేందుకు ఈ ప్రచారం సహాయపడుతుంది. మోసగాళ్ళు వినియోగించే విధానాలు, అతి సులభమైన ఆన్‌లైన్ మనీ స్కీములు వంటి అంశాల గురించి ఈ ప్రచారం ప్రజలకు తెలియజేస్తుంది.
పంకజ్ త్రిపాఠీ ఈ ప్రచారంలో “మూంగ్‌ఫలీవాలా”,”పాన్‌వాలా” పాత్రల్లో నటిస్తూ, వినోదాత్మకంగా మోసగాళ్ళతో ఎలా జాగ్రత్తగా వ్యవహరించాలో సూచిస్తారు. ఈ సిరీస్‌లోని చిత్రాలు 11 భారతీయ భాషల్లో రూపొందించబడి, భారతదేశ వ్యాప్తంగా ప్రజలలో అవగాహన పెంచడానికి సహకరిస్తాయి.
ఎన్‌పీసీఐ మేనేజింగ్ డైరెక్టర్ & సీఈవో Mr. దిలీప్ అస్బే మాట్లాడుతూ, “భారతదేశం డిజిటల్ ఫస్ట్ భవిష్యత్తు వైపుగా ముందుకెళ్తున్న తరుణంలో, పౌరుల భద్రతకు అవగాహన కల్పించడం ఎంతో అవసరం. ఈ ప్రచారంతో వినియోగదారులు తమ డిజిటల్ లావాదేవీలను భద్రంగా నిర్వహించే నైపుణ్యాలను నేర్చుకుంటారు. ఇది ఆన్‌లైన్ మోసాలను తగ్గించడంలో మద్దతు ఇస్తుంది.”
అలాగే ఒగిల్వీ ఇండియా చీఫ్ అడ్వైజర్ Mr. పియుష్ పాండే మాట్లాడుతూ, “సామాన్య ప్రజలు తమకు తాముగా తమ భద్రతను చూసుకునే సామర్థ్యం పెంచుకోవాలనే ఉద్దేశంతో ఈ ప్రచారాన్ని రూపొందించాము. మోసగాళ్ళ బారిన పడకుండా ప్రజలు తమను తాము రక్షించుకునేలా చేయడమే ఈ ప్రచార లక్ష్యం” అన్నారు.
ఈ 360 డిగ్రీల ప్రచార కార్యక్రమంలో టీవీ, ప్రింట్, రేడియో, ఓటీటీ, సినిమా, డిజిటల్, సోషల్ మీడియా వంటి విభాగాల్లో ప్రచారం చేస్తారు.
మీకు ఇష్టమైన భాషలో ఈ ప్రచార చిత్రాలను చూసేందుకు లింకులు:
- చిత్రం 1 – మూంగ్‌ఫలీవాలా
- చిత్రం 2 – పాన్‌వాలా