365తెలుగు డాట్ కామ్ ఆన్‌లైన్ న్యూస్, ఇస్లామాబాద్, అక్టోబర్11, 2022: తీవ్రవరదల కారణంగా పొరుగుదేశం పాక్ విలవిలలాడి పోతోంది. మలేరియా, వైరల్ జ్వరాలు సంక్రమస్తున్నాయి. ఈ వ్యాధులను అరికట్టడానికి పాకిస్తాన్ భారతదేశం నుంచి 6 మిలియన్లకు పైగా దోమతెరలను కొనుగోలు చేయడానికి పాకిస్తాన్ ఆరోగ్య మంత్రిత్వ శాఖ ముందుకొచ్చింది.
ప్రపంచ ఆరోగ్య సంస్థ (డబ్ల్యూహెచ్‌ఓ) పాకిస్తాన్ కోసం దోమతెరలను పొందేందుకు గ్లోబల్ ఫండ్ అందించిన ఆర్థిక వనరులను ఉపయోగిస్తోంది. వీలైనంత త్వరగా దోమతెరలను పొందాలని యోచిస్తున్నామని డబ్ల్యూహెచ్‌ఓ అధికారులు తెలిపారు.
జూన్ మధ్య నుంచి విపరీతమైన వర్షాలు కారణంగా పాకిస్తాన్ లో వచ్చిన వరదల దాటికి 1,700 మందికి పైగా మరణించారు, 33 మిలియన్ల మంది నిర్వాసితులయ్యారు. దేశంలోని మూడవ వంతు నీటిలో మునిగి పోయారు.సెప్టెంబరులో, ప్రపంచ ఆరోగ్య సంస్థ (WHO) మలేరియా వంటి వ్యాధుల పెరుగుదల “రెండవ విపత్తు”కు కారణమవుతుందని హెచ్చరించింది.
జనవరి 2023 నాటికి వరదల బారిన పడిన పాకిస్థాన్‌లోని 32 జిల్లాల్లో 2.7 మిలియన్ మలేరియా కేసులు నమోదవుతాయని WHO గత వారం హెచ్చరించింది. దేశంలోని 32 వరద ప్రభావిత జిల్లాల్లో మలేరియా వేగంగా విస్తరిస్తోంది, ఇక్కడ వేలాది మంది పిల్లలు దోమల వల్ల పలురోగాల బారీన పడ్డారు. పాకిస్థాన్ ఆరోగ్య మంత్రిత్వ శాఖ గత నెలలో భారత్ నుంచి దోమతెరలను కొనుగోలు చేసేందుకు అనుమతి కోరినట్లు నివేదిక పేర్కొంది.
ప్లాస్మోడియం ఫాల్సిపరమ్ కేసులు నమోదైన సింధ్, పంజాబ్,బలూచిస్థాన్‌ లోని అత్యంత ప్రభావితమైన 26 జిల్లాలకు దోమతెరల ఏర్పాటు కోసం గ్లోబల్ ఫండ్‌ను అభ్యర్థించినట్లు అధికారి తెలిపారు. ప్రతిస్పందనగా, పాకిస్తాన్ ప్రభుత్వం అటువంటి చర్యను ఆమోదించి నట్లయితే, భారతదేశం నుంచి ఈ దోమ తెరలను కొనుగోలు చేయడానికి ఆర్డర్ ఇచ్చింది. కాశ్మీర్ సమస్య, పాకిస్తాన్ సరిహద్దుల్లో ఉగ్రవాదం కారణంగా భారతదేశం-పాకిస్తాన్ మధ్య సంబంధాలు దెబ్బతిన్నాయి.
భారతదేశం రాజ్యాంగంలోని ఆర్టికల్ 370ని రద్దు చేయడం, జమ్మూ అండ్ కాశ్మీర్‌కు ప్రత్యేక హోదాను రద్దు చేయడం, ఆగష్టు 5, 2019న రాష్ట్రాన్ని రెండు కేంద్ర పాలిత ప్రాంతాలుగా విభజించిన తర్వాత ద్వైపాక్షిక సంబంధాలు దెబ్బతిన్నాయి. భారతదేశ నిర్ణయం తరువాత, పాకిస్తాన్ న్యూఢిల్లీతో దౌత్య సంబంధాలను తగ్గించి, భారత రాయబారిని బహిష్కరించింది. అప్పటి నుంచి పాకిస్థాన్, భారత్ మధ్య వాణిజ్య సంబంధాలు చాలా వరకు స్తంభించిపోయాయి.