శ్రీ కోదండరామాలయంలో ముగిసిన పవిత్రోత్సవాలు

365తెలుగు డాట్ కామ్ ఆన్ లైన్ న్యూస్, తిరుపతి, ఆగ‌స్టు 6,2021:తిరుపతిలోని శ్రీ కోదండరామస్వామివారి ఆలయ పవిత్రోత్సవాలు శుక్ర‌వారం పూర్ణాహుతితో ముగిశాయి.క‌రోనా వైర‌స్ వ్యాప్తి నివార‌ణ చ‌ర్య‌ల‌లో భాగంగా ఆల‌యంలో ఈ కార్యక్రమాలను ఏకాంతంగా నిర్వహించారు.

ఈ సందర్భంగా శ్రీ సీతారామ సమేత లక్ష్మణస్వామివారి ఉత్సవమూర్తులకు స్నపనతిరుమంజనం వేడుకగా జరిగింది. ఇందులో పాలు, పెరుగు, తేనె, చందనం, పసుపు, కొబ్బరినీళ్లతో స్వామి, అమ్మవారి ఉత్సవమూర్తులకు అభిషేకం చేశారు. అనంతరం శాత్తుమొర ఆస్థానం నిర్వహించారు.రాత్రి యాగశాలలో పూర్ణాహుతితో పవిత్రోత్సవాలు ముగియ‌నున్నాయి.