మరొక వందే భారత్ ఎక్స్‌ప్రెస్ ను ప్రారంభించనున్న ప్రధాని మోదీ..

365తెలుగు డాట్ కామ్ ఆన్ లైన్ న్యూస్,జైపూర్, ఏప్రిల్ 12,2023: వర్చువల్ మీడియం ద్వారా రాజస్థాన్‌లో తొలి వందే భారత్ ఎక్స్‌ప్రెస్ రైలును ప్రధాని నరేంద్ర మోదీ ఈరోజు జెండా ఊపి ప్రారంభించ నున్నారు.

రైల్వే, కమ్యూనికేషన్స్, ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రి అశ్విని వైష్ణవ్ కూడా పాల్గొంటారు. ఈ రైలు రేపటి నుంచి రెగ్యులర్ సర్వీస్‌ను ప్రారంభిస్తుంది. జైపూర్, అల్వార్, గుర్గావ్ మీదుగా రాజస్థాన్‌లోని అజ్మీర్, ఢిల్లీ కాంట్ మధ్య నడుస్తుంది.

అజ్మీర్-ఢిల్లీ కాంట్-అజ్మీర్ వందే భారత్ రైలు సర్వీసును రైల్వే అడ్మినిస్ట్రేషన్ నిర్వహిస్తోంది. ఇందులోభాగంగా, ప్రధాని నరేంద్ర మోదీ ఈరోజు (ఏప్రిల్ 12) ఢిల్లీ నుంచి వీడియో కాన్ఫరెన్స్ ద్వారా జైపూర్-ఢిల్లీ కాంట్ వందే భారత్‌ను జెండా ఊపి ప్రారంభించనున్నారు.

ఈరోజు రైలు నంబర్ 09617, జైపూర్-ఢిల్లీ కాంట్ వందే భారత్ రైలు సర్వీస్ జైపూర్ నుంచి ఉదయం 11.00 గంటలకు బయలుదేరి 16.00 గంటలకు ఢిల్లీ కాంట్ చేరుకుంటుంది. ప్రారంభ ప్రత్యేక రైలు మార్గంలో గాంధీనగర్ జైపూర్, బస్సీ, దౌసా, బండికుయ్, రాజ్‌గఢ్, అల్వార్, ఖైర్తాల్, రేవారీ, పటౌడీ రోడ్, గర్హి హర్సారు, గుర్గావ్ స్టేషన్‌లలో ఆగుతుందని నార్త్ వెస్ట్రన్ రైల్వే చీఫ్ పబ్లిక్ రిలేషన్స్ ఆఫీసర్ కెప్టెన్ శశి కిరణ్ తెలిపారు.

అజ్మీర్-ఢిల్లీ కాంట్-అజ్మీర్ వందే భారత్ రైలు సర్వీస్ ఏప్రిల్ 13 నుండి రెగ్యులర్ గా నడవనుంది. రైలు నంబర్ 20977 అజ్మీర్-ఢిల్లీ కాంట్ వందే భారత్ సూపర్‌ఫాస్ట్ ఎక్స్‌ప్రెస్ రైలు సేవ అజ్మీర్ నుంచి 06.20 గంటలకు, వారానికి ఆరు రోజులు (బుధవారాలు మినహా) ఏప్రిల్ 13వ తేదీ నుంచి బయలుదేరి,

07.50 గంటలకు జైపూర్ చేరుకుని 07.55 గంటలకు బయలుదేరుతుంది. తర్వాత 09.35కి అల్వార్ చేరుకుని 09.37కి బయలుదేరుతుంది. ఆ తర్వాత 11.15 గంటలకు గుర్గావ్ చేరుకుని 11.17 గంటలకు బయలుదేరి 11.35 గంటలకు ఢిల్లీ కాంట్ చేరుకుంటుంది.

అదేవిధంగా, రైలు నంబర్ 20978, ఢిల్లీ కాంట్-అజ్మీర్ వందే భారత్ సూపర్‌ఫాస్ట్ ఎక్స్‌ప్రెస్ రైలు ఏప్రిల్ 13 నుంచి ఢిల్లీ కాంట్ నుంచి 18.40 గంటలకు, వారానికి ఆరు రోజులు (బుధవారాలు మినహా) బయలుదేరి, 18.51 గంటలకు గుర్గావ్ చేరుకుని 18.53 గంటలకు బయలుదేరుతుంది.

ఆ తర్వాత 20.17 గంటలకు అల్వార్ చేరుకుని 20.19 గంటలకు బయలు దేరుతుంది. ఆ తర్వాత 22.05 గంటలకు జైపూర్ చేరుకుని 22.10 గంటలకు బయలుదేరి 23.55 గంటలకు అజ్మీర్ చేరుకుంటుంది.

ఈ రైలులో 12 ఎయిర్ కండిషన్డ్ చైర్ కార్లు, రెండు ఎయిర్ కండిషన్డ్ ఎగ్జిక్యూటివ్ చైర్ కార్లు ,రెండు డ్రైవింగ్ కార్ క్లాస్ కోచ్‌లతో సహా మొత్తం 16 కోచ్‌లు ఉంటాయి.