365తెలుగు డాట్ కామ్ ఆన్ లైన్ న్యూస్, ఫిబ్రవరి 22,2025: నాగర్‌కర్నూల్ జిల్లా దోమలపెంట సమీపంలోని ఎస్ఎల్బీసీ (శ్రీశైలం లిఫ్ట్ బ్యాక్ ఛానల్) టన్నెల్‌లో జరిగిన ప్రమాదంపై ప్రధానమంత్రి నరేంద్ర మోదీ ఆరా తీశారు. ఈ ఘటనపై ముఖ్యమంత్రి రేవంత్ రెడ్డికి ఫోన్ చేసి వివరాలు అడిగి తెలుసుకున్నారు.
ఈ సందర్భంగా సీఎం రేవంత్ రెడ్డి ఎస్ఎల్బీసీ ప్రమాదానికి సంబంధించిన పూర్తి వివరాలను ప్రధానికి తెలియజేశారు. టన్నెల్‌లో కార్మికులు చిక్కుకున్న విషయం, సహాయ చర్యలను గురించి ప్రధానికి వివరించారు.
ఇది కూడా చదవండి.. డిజిటల్ ఇండియా బిల్లు: అశ్లీల కంటెంట్‌ను అరికట్టడానికి రంగం సిద్ధం..
ఇది కూడా చదవండి...డిజిటల్ ఇండియా చట్టం (డిఐఏ) అంటే ఏమిటి..? ఎందుకు..?
సీఎం రేవంత్ రెడ్డి ప్రధానికి వివరించిన అంశాలు..
🔹 టన్నెల్‌లో మొత్తం ఎనిమిది మంది కార్మికులు చిక్కుకున్నారని తెలిపారు.
🔹 కార్మికులను సురక్షితంగా బయటకు తీసుకురావడానికి అత్యవసర రక్షణ చర్యలు చేపట్టామని వివరించారు.
🔹 సహాయక చర్యల పర్యవేక్షణ కోసం మంత్రులు ఉత్తమ్ కుమార్ రెడ్డి, జూపల్లి కృష్ణారావు ఘటనా స్థలానికి చేరుకొని సహాయ చర్యలను దగ్గరుండి పర్యవేక్షిస్తున్నారని చెప్పారు.
🔹 తెలంగాణరాష్ట్ర ప్రభుత్వం అన్ని విభాగాలను సమన్వయం చేసి సహాయక చర్యలను వేగంగా చేపడుతోందని వివరించారు.
ప్రధాని మోదీ హామీ..
🔹 ఈ ఘటనపై తగిన చర్యలు తీసుకోవాలని కేంద్రం తరపున ఎన్డీఆర్‌ఎఫ్ (NDRF) బృందాన్ని పంపించనున్నట్లు ప్రధాని తెలిపారు.
🔹 సహాయ చర్యల్లో పూర్తిస్థాయి మద్దతునందించేందుకు కేంద్ర ప్రభుత్వం సిద్ధంగా ఉందని మోదీ హామీ ఇచ్చారు.
🔹 ప్రమాదంలో చిక్కుకున్న కార్మికులను సురక్షితంగా బయటకు తీసేందుకు కేంద్రం అన్ని విధాలుగా సహకరిస్తుందని చెప్పారు.
ప్రధాని మోదీ స్పందనతో సహాయ కార్యక్రమాలు మరింత వేగవంతం కానున్నాయి. తెలంగాణ రాష్ట్ర ప్రభుత్వం, స్థానిక అధికారులు సంఘటనా స్థలంలో సహాయక చర్యలను ముమ్మరం చేశారు. చిక్కుకున్న కార్మికులను కాపాడేందుకు యంత్రాంగం యుద్ధప్రాతిపదికన పనిచేస్తోంది.