365తెలుగుడాట్ కామ్ ఆన్ లైన్ న్యూస్,హైదరాబాద్,ఫిబ్రవరి 15,2023: ప్రముఖ పొలిటికల్ ఎనలిస్ట్ ప్రశాంత్ కిషోర్ కు చెందిన ఐప్యాక్ టీం ప్రతినిధుల బృందం ఉమ్మడి ఆదిలాబాద్ జిల్లాలో పర్యటించింది.
రాబోయే ఎన్నికల్లో రాజకీయ సమీకరణాలను యూత్ ఓటు బ్యాంక్ మార్చబోతుండటంతో యువతపై ఐప్యాక్ టీం ఫోకస్ చేసింది. యువతలో బాగా క్రేజ్ ఉన్న యువ లీడర్లపై పీకే టీం ఆరా తీసినట్టు సమాచారం.
నిర్మల్ జిల్లా ఖానాపూర్ నియోజకవర్గంలో యువతలో బాగా పట్టున్న యువ నాయకుల్లో ధరావత్ పూర్ణనాయక్ మొదటి స్థానంలో ఉన్నారని ఐప్యాక్ రిపోర్టులో తేలింది.
ఖానాపూర్ నియోజకవర్గంలో కొన్నాళ్లుగా ధరావత్ పూర్ణచందర్ నాయక్ బాగా యాక్టివ్ గా తిరుగుతున్నారు. యువతతో కనెక్ట్ అవుతూ ప్రజా సమస్యలు తెలుసుకుంటున్నారు.
బీఆర్ఎస్ అగ్రనాయకత్వానికి దగ్గరగా ఉండే పూర్ణచందర్ నాయక్.. క్షేత్రస్థాయిలో పర్యటిస్తున్నారు. తన దృష్టికి వచ్చిన సమస్యలను ఎప్పటికప్పుడు పరిష్కరిస్తూ ప్రజాబలం కూడగడుతున్నారు.
తాజాగా ఐప్యాక్ టీం సర్వేలో పాజిటివ్ గా రావడంతో పూర్ణచందర్ నాయక్ టీంలో జోష్ పెరిగింది. వచ్చే ఎన్నికల్లో బీఆర్ఎస్ పెద్దలు టికెట్ ఇస్తే విజయం ఖాయమనే ధీమాలో ఉన్నారు.