365తెలుగు డాట్ కామ్ ఆన్ లైన్ న్యూస్,ఆగస్టు 31,2023: ఐక్యత, ప్రేమ భావాన్ని తెలిపేదే రాఖీ అని లయన్ 2వ వైస్ డిస్ట్రిక్ట్ గవర్నర్ డాక్టర్ జి.మహేంద్ర కుమార్ అన్నారు. మహిళలను గౌరవించి, రక్షించే వారికి శుభాకాంక్షలు తెలిపారు. రక్షా బంధన్ సమాజంలో అత్యంత ప్రసిద్ధ పండుగలలో ఒకటిని తెలిపారు.
మనుషులు మధ్య సంబంధాన్ని గౌరవించే రోజుగా జరుపు కుంటారన్నారు. ఆంగ్లంలో, ‘ రక్షా బంధన్ ‘ అంటే ‘రక్షణ, బాధ్యత లేదా సంరక్షణ బంధం’ అని అంటారన్నారు. డా.హిప్నో కమలాకర్స్ మైండ్ అండ్ పర్సనాలిటీ కేర్, నవభారత లయన్స్ క్లబ్ ఆధ్వర్యంలో బుధవారం ముషీరాబాద్ డివిజన్ మొరంబొందలోని ప్రభుత్వ ప్రాథమిక పాఠశాలలో స్వాతంత్య్ర దినోత్సవ పోటీల్లో గెలుపొందిన విద్యార్థులకు లయన్ 2వ వైస్ డిస్ట్రిక్ట్ గవర్నర్ డాక్టర్ జి.మహేంద్ర కుమార్ , డా.జి.దీప,రిటైర్ ఆఫీసర్ రమణమ్మ, లయన్ జి.కృష్ణవేణి, లయన్ డా.హిప్నో పద్మా కమలాకర్, పుస్తకాలు, పోషకాహారం, పెన్సిల్ ఎరేజర్లు, సర్టిఫికెట్లు, బహుమతులు అందజేశారు. రాఖీ పౌర్ణమి వేడుకలు ఘనంగా నిర్వహించారు.
లయన్ జి.కృష్ణవేణి మాట్లాడుతూ ఒకరికొకరు మద్య ఉండే లోతైన ప్రేమ, ప్రేమకు రక్షణ ప్రతీకగా ఇది అపారమైన ప్రాముఖ్యతను కలిగి ఉందన్నారు.
ఈ పండుగ తోబుట్టువుల మధ్య బంధాన్ని బలోపేతం చేయడమే కాకుండా కుటుంబంలో ఐక్యత, ప్రేమ, గౌరవాన్ని పెంపొంది స్తుందన్నారు. ఇది ఏదైనా సంబంధంలో అవసరమైన విధేయత, విశ్వాసం, మద్దతు, విలువలకు రిమైండర్‌గా పనిచేస్తుందని తెలిపారు.
రక్షా బంధన్ హద్దులు దాటి, కుటుంబాలను ఒకచోట చేర్చి, బంధం ప్రాముఖ్యతను పటిష్టం చేస్తుందని చెప్పారు. ఇది ప్రేమ విడదీయరాని బంధం వేడుక పాల్గొన్న అందరికీ ఆనందాన్ని కలిగించే ప్రతిష్టాత్మకమైన సంప్రదాయమన్నారు.
డా.హిప్నో కమలాకర్స్ మైండ్ అండ్ పర్సనాలిటీ కేర్ డైరెక్టర్ డా. హిప్నో పద్మా కమలాకర్ మాట్లాడుతూ 1905లో బెంగాల్ విభజన సమయంలో రవీంద్రనాథ్ ఠాగూర్ బెంగాల్‌లోని హిందువులు, ముస్లింల మధ్య ఐక్యత, ప్రేమ భావాన్ని పెంపొందించడానికి రాఖీ మహోత్సవ్ సామూహిక రక్షా బంధన్ పండుగను ప్రారంభించారన్నారు.
వర్గాల మధ్య చిచ్చు పెట్టే బ్రిటిష్ వారి ప్రయత్నాలకు ప్రతిగా ఆయన ఈ సంప్రదాయాన్ని ప్రారంభించారని తెలిపారు. ఈ కార్యక్రమంలో హెచ్ ఎంమ్ విజయ, టీచర్ రమాదేవి విద్యార్థులు పాల్గొన్నారు.
డా.హిప్నో పద్మా కమలాకర్
కౌన్సెలింగ్ సైకో థెరపీస్ట్, హిప్నో థెరపీస్ట్
@ 9390044031.