365తెలుగు డాట్ కామ్ ఆన్ లైన్ న్యూస్,నేషనల్, జనవరి 4, 2023: భారత స్టార్ క్రికెటర్ రిషబ్ పంత్ రోడ్డు ప్రమాదానికి గురయిన విషయం తెలిసిందే. రూర్కీ సమీపంలో జరిగిన కారు ప్రమాదంలో అతనికి తీవ్ర గాయాలయ్యాయి. ఆయనకు డెహ్రాడూన్‌లో చికిత్స కొనసాగుతోంది.
అయితే ఇప్పుడు ఢిల్లీ అండ్ డిస్ట్రిక్ట్ క్రికెట్ అసోసియేషన్ (DDCA) కీలక నిర్ణయం తీసుకుంది. చికిత్స కోసం పంత్‌ను ముంబైకి తీసుకెళ్లనుంది. అక్కడే ఆయనకు చికిత్స చేయనున్నారు.
డీడీసీఏ డైరెక్టర్ ఏం చెప్పారు?..
డీడీసీఏ డైరెక్టర్ శ్యామ్ శర్మ మాట్లాడుతూ..క్రికెటర్ రిషబ్ పంత్‌ను తదుపరి చికిత్స కోసం ముంబైకి తరలించనున్నట్లు తెలిపారు. డిసెంబర్ 30న కారు ప్రమాదంలో పంత్ డెహ్రాడూన్‌లోని ఒక ప్రైవేట్ ఆసుపత్రిలో చికిత్స పొందుతున్నారు.
గాయానికి సంబంధించి బీసీసీఐ ఇచ్చిన అప్‌డేట్ ఏమిటి?
పంత్ తలపై రెండు గాయాలు ఉన్నాయని బీసీసీఐ తెలిపింది. అతని కుడి మోకాలిలో ఎముకలు విరిగిపోయాయి. కుడి మణికట్టు, చీలమండ, కాలికి కూడా గాయాలు అయ్యాయి. అలాగే, అతని వీపుపై రాపిడి గాయం ఉంది. పంత్ కు ప్రస్తుతం పెద్దగా ప్రమాదం ఏమీ లేదు. అయితే ఇప్పుడు అతనికి మెరుగైన చికిత్స అందించాలని BCCI అండ్ DDCA నిర్ణయించాయి.
త్వరలో జరగనున్న వన్డే ప్రపంచకప్‌ను దృష్టిలో ఉంచుకుని పంత్‌ను వీలైనంత త్వరగా ఫిట్‌గా ఉండేలా చూడాలని బీసీసీఐ భావిస్తున్నట్లు ఊహాగానాలు వినిపిస్తున్నాయి. పంత్ గాయాన్ని బీసీసీఐ, డీడీసీఏ పర్యవేక్షించాయి.
పంత్ MRI స్కాన్ నివేదికలో ఎటువంటి సమస్య లేదు. ప్రమాదం తర్వాత, పంత్‌తో నిరంతరం టచ్‌లో ఉండాలని అతని పరిస్థితిని పర్యవేక్షించాలని BCCI అండ్ DDCAలు ఆదేశించాయి.
డీడీసీఏ చీఫ్ శ్యామ్ శర్మ స్వయంగా పంత్‌ను కలిసేందుకు వచ్చారు. ఇది కాకుండా, ఉత్తరాఖండ్ ముఖ్యమంత్రి పుష్కర్ సింగ్ ధామి కూడా పంత్‌ను కలవడానికి ఆసుపత్రికి చేరుకున్నారు.డిసెంబర్ 30న పంత్ కారు ప్రమాదానికి గురయ్యాడు.
టీమిండియా స్టార్ క్రికెటర్ రిషబ్ పంత్ కారు ప్రమాదానికి గురయ్యాడు. ఆయన కారు రూర్కీ సమీపంలో డివైడర్‌ను ఢీకొని బోల్తా పడింది. ప్రమాదం అనంతరం కారులో మంటలు చెలరేగి కారు పూర్తిగా దగ్ధమైంది. దీంతో పంత్ స్వయంగా కారు అద్దాన్ని పగులగొట్టి బయటకు వచ్చాడు.
పోలీసులు అతన్ని ఆసుపత్రికి తరలించారు. పంత్ ఢిల్లీ నుంచి ఉత్తరాఖండ్‌లోని తన ఇంటికి తిరిగి వస్తున్నాడు. రూర్కీలోని నర్సన్ సరిహద్దులోని హమ్మద్‌పూర్ ఝల్ సమీపంలో ఆయన కారు ప్రమాదానికి గురైంది.
ఐపీఎల్ 2023లో ఆడటంపై అనుమానమే..?
బంగ్లాదేశ్‌తో టెస్ట్ సిరీస్ ఆడిన తర్వాత పంత్ దుబాయ్ చేరుకున్నాడు. అక్కడి నుంచి డిసెంబర్ 29న ఢిల్లీకి వచ్చి అక్కడి నుంచి ప్రైవేట్ కారులో రూర్కీలోని తన ఇంటికి వెళ్తున్నాడు.
శ్రీలంకతో జరిగే టీ20, వన్డే సిరీస్‌లకు భారత జట్టులో పంత్‌కు చోటు దక్కలేదు. ఇప్పుడు గాయం తర్వాత, పంత్ ఆస్ట్రేలియాతో టెస్ట్ సిరీస్ అండ్ IPL 2023లో ఆడటంపై సందేహం ఉంది. పంత్ పూర్తిగా కోలుకోవడానికి నాలుగు నుంచి ఆరు నెలలు పట్టవచ్చని సమాచారం.