365తెలుగు డాట్ కామ్ ఆన్ లైన్ న్యూస్, మునుగోడు,అక్టోబర్ 28,2022: మునుగోడు అసెంబ్లీ నియోజక వర్గంలో జరగనున్న ఉప ఎన్నికల్లో విశ్వాసాన్ని పెంపొందించేందుకు, ఎన్నికల యంత్రాంగం తటస్థంగా ఉండేలా తెలంగాణ రాష్ట్ర ప్రధాన ఎన్నికల అధికారి వికాస్ రాజ్ గురువారం కొన్ని ఆదేశాలు జారీ చేశారు.
అన్ని పోలింగ్ కేంద్రాలకు వెబ్‌కాస్టింగ్‌ ఉండేలా చూస్తామని ఆయన తెలిపారు. ప్రతి పోలింగ్ స్టేషన్ స్థానంలో మైక్రో అబ్జర్వర్‌, ప్రతి పోలింగ్ బూత్ కవర్ అయ్యే విధంగా జనరల్ అబ్జర్వర్‌తో సంప్రదించి CAPF విస్తరణ జరుగుతుంది.
ఎన్నికలకు వెళ్లే అసెంబ్లీ నియోజకవర్గం మొత్తం ఎలక్షన్ కోడ్ అమలులోకి వచ్చిందని అన్నారు. ఈ రూల్స్ ను పకడ్బందీగా అమలు చేస్తాం. అన్ని పార్టీలు, అభ్యర్థులు “అవినీతి పద్ధతులు” ,ఎన్నికల చట్టం ప్రకారం నేరాలు, అంటే ఓటర్లకు లంచం ఇవ్వడం, ఓటర్లను బెదిరించడం, ఓటర్లుగా నటించడం, పోలింగ్ స్టేషన్‌లకు 100 మీటర్ల దూరంలో ప్రచారం చేయడం, బహిరంగ సభలు నిర్వహించడం పోలింగ్ కు 48 గంటల ముందునిలిపివేయాలని ఎలక్షన్ అధికారులు వెల్లడించారు.
పోలింగ్ స్టేషన్‌కు బయటికి ఓటర్లను రవాణా చేయడం వంటి అన్ని కార్యకలాపాలకు దూరంగా ఉండాలి. ఆ రోజు రిటర్నింగ్ అధికారికి తగిన భద్రత కల్పించడంలో విఫలమైనందుకు సబ్-డివిజనల్ పోలీసు అధికారిపై బాధ్యత వహించాలని అధికారిపై క్రమశిక్షణా చర్యలను ప్రారంభించాలని భారత ఎన్నికల సంఘం ఆదేశాలు జారీ చేసింది.
మునుగోడులో ఎన్నికలకు సంబంధించిన కేసుల్లో 21ఎఫ్‌ఐఆర్‌లు నమోదయ్యాయి. ఎన్నికల కోడ్ అమలులో భాగంగా గట్టి నిఘాతో రూ. 2.95 కోట్లు నగదు సీజ్ చేసినట్లు ఎలక్షన్ కమిషన్ సిఇఒ ఒక ప్రకటనలో తెలిపారు. ఎక్సైజ్ శాఖ 123 కేసులు నమోదు చేసి 55 మందిని అరెస్టు చేసినట్లు ఎలక్షన్ కమిషన్ వెల్లడించింది.