365తెలుగు డాట్ కామ్ ఆన్‌లైన్ న్యూస్, తిరుపతి, 2021 న‌వంబ‌రు 23: తిరుపతి శ్రీ కపిలేశ్వరస్వామివారి ఆలయంలో శ్రీ కపిలేశ్వరస్వామివారి హోమం (రుద్ర‌యాగం) సోమ‌వారం శాస్త్రోక్తంగా ప్రారంభ‌మైంది. నెల రోజుల పాటు జరుగుతున్నహోమ మహోత్సవాల్లో భాగంగా డిసెంబ‌రు 2వ తేదీ వ‌రకు 11 రోజుల పాటు ఈ హోమం నిర్వ‌హిస్తారు.
ఇందులో భాగంగా యాగశాలలో ఉదయం పూజ, రుద్ర‌జ‌పం, హోమం, ల‌ఘు పూర్ణాహుతి, నివేద‌న, హార‌తి నిర్వహించారు. సాయంత్రం పూజ, జ‌పం, హోమం, రుద్ర‌త్రిశ‌తి, బిల్వార్చ‌న, నివేద‌న, విశేష‌దీపారాధ‌న, హార‌తి ఇస్తారు.