365తెలుగు డాట్ కామ్ ఆన్ లైన్ న్యూస్, గురుగ్రామ్, ఆగస్టు 31, 2025: శామ్‌సంగ్ ఎలక్ట్రానిక్స్ కో. లిమిటెడ్ తన అనుబంధ సంస్థ న్యూరోలాజికా సహకారంతో భారతదేశంలో సరికొత్త మొబైల్ సిటీ (CT) ఉత్పత్తి పోర్ట్‌ఫోలియోను విడుదల చేసింది.
ఈ అత్యాధునిక సాంకేతికతలు రోగి-కేంద్రీకృత ఇమేజింగ్‌లో విప్లవాత్మక మార్పులు తీసుకురానున్నాయి. ఈ మొబైల్ సిటీ పరికరాలు నేరుగా రోగి వద్దకు వెళ్లి పరీక్షలు చేసే సౌలభ్యం కల్పిస్తాయి.
సేవలు సులభతరం: ఈ కొత్త పోర్ట్‌ఫోలియోలో CereTom, Elite, OmniTom, Elite, OmniTom, Elite PCD, BodyTom, 32/64 ఉన్నాయి. ఇవి ఆసుపత్రులు, ప్రత్యేక కేంద్రాల అవసరాలకు అనుగుణంగా రూపొందించారు.
నాణ్యత, భద్రత: ఈ మొబైల్ సిటీ పరికరాలు రోగిని తరలించాల్సిన అవసరాన్ని తగ్గించి, భద్రతను మెరుగుపరుస్తాయి. దీనివల్ల డాక్టర్లు వేగంగా రోగ నిర్ధారణ చేసి, చికిత్స ప్రారంభించేందుకు వీలవుతుంది.
భవిష్యత్ ఆవిష్కరణలు: ఈ పరికరాలు AI సహాయంతో పనిచేస్తాయి. ఆసుపత్రి PAC, EMR వ్యవస్థలతో అనుసంధానం కావడంతో మరింత ఖచ్చితమైన రోగ నిర్ధారణలకు దోహదం చేస్తాయి.
ఆరోగ్య రంగంలో విప్లవం: “ఈ మొబైల్ సిటీ సొల్యూషన్స్‌తో మేము మెట్రోలు, టైర్-2/3 నగరాల మధ్య ఆరోగ్య సంరక్షణ అంతరాన్ని తగ్గించడానికి ప్రయత్నిస్తున్నాము.
ఈ సాంకేతికతలు భారత ఆరోగ్య సంరక్షణ మౌలిక సదుపాయాలను మరింత బలోపేతం చేస్తాయని మేము నమ్ముతున్నాము,” అని శామ్‌సంగ్ ఇండియా, హెచ్‌ఎంఈ బిజినెస్ హెడ్, మిస్టర్ అటంత్ర దాస్ గుప్తా తెలిపారు.
క్లినికల్ అప్లికేషన్లు..
ఈ సిస్టమ్‌లను న్యూరోసర్జరీ, అత్యవసర వైద్య పరిస్థితులు, ఇంటర్వెన్షనల్ రేడియాలజీ, ఆంకాలజీ, పీడియాట్రిక్ ఇమేజింగ్‌లో ఉపయోగించవచ్చు.