365తెలుగు డాట్ కామ్ ఆన్ లైన్ న్యూస్, న్యూఢిల్లీ,డిసెంబర్ 29,2025: స్మాల్-క్యాప్ కంపెనీ అయిన నెక్టర్ లైఫ్సైన్సెస్ తన షేర్లను తిరిగి కొనుగోలు చేయనుంది. బైబ్యాక్ అంటే ఒక కంపెనీ తన సొంత షేర్లను తిరిగి కొనుగోలు చేయడం. నెక్టర్ లైఫ్సైన్సెస్ బైబ్యాక్ రికార్డు తేదీ డిసెంబర్ 24న. దాని బైబ్యాక్ ఆఫర్ ప్రారంభ తేదీ డిసెంబర్ 31 ,2025. దాని ముగింపు తేదీ జనవరి 6, 2026 వరకు అని తెలిపారు.
బైబ్యాక్ ఏ రేటుతో నిర్వహించనుంది..?
నెక్టర్ లైఫ్సైన్సెస్ ఒక్కో షేరుకు ₹27 బైబ్యాక్ రేటును నిర్ణయించింది. అయితే, నేడు దాని షేర్లు 4.98% తగ్గి ₹19.09కి చేరుకున్నాయి. అంటే, ప్రస్తుత షేర్ ధర ఆధారంగా, వాటాదారులు బైబ్యాక్ కింద ఒక్కో షేరుకు దాదాపు 41.4% రాబడిని పొందవచ్చు.
ఎన్ని షేర్లను తిరిగి కొనుగోలు చేస్తారు?..
నెక్టార్ లైఫ్ సైన్సెస్ తన బైబ్యాక్ ఆఫర్లో 30 మిలియన్ షేర్లను తిరిగి కొనుగోలు చేస్తుంది. ₹27 ధరతో ఈ బైబ్యాక్ కోసం మొత్తం ₹81 కోట్లు ఖర్చు చేయనుంది. ప్రతి 103 షేర్లకు 25 షేర్లను మాత్రమే తిరిగి కొనుగోలు చేస్తామని గమనించండి.
ఎవరు పాల్గొనవచ్చు?
డిసెంబర్ 24న వరకు ఎవరికేతే ఆ కంపెనీ షేర్లను కలిగి ఉన్న వాటాదారులు మాత్రమే ఈ బైబ్యాక్ ఆఫర్లో పాల్గొనగలరు. డిసెంబర్ 24ని రికార్డ్ తేదీగా నిర్ణయించారు.
ఇదీ చదవండి :టాటానగర్-ఎర్నాకులం ఎక్స్ప్రెస్లోని రెండు కోచ్లకు మంటలు,ఒకరి మృతి..
Read this also:Pallavi Model School, Tirumalagiri, hosted its Annual Day celebration Mélange Kaleido..
ఇదీ చదవండి : 2026 మొత్తం ‘దండోరా’ గురించే చర్చించుకుంటారు: సక్సెస్ మీట్లో నటుడు శివాజీ ధీమా..
Read this also:“Dhandoraa” Success Meet: Sivaji Hails it as a Masterpiece; Comparisons to Mari Selvaraj Arise.
బైబ్యాక్ ఎందుకు జరుగుతుంది?
షేర్ ధర పెరుగుదల: తక్కువ షేర్లను కలిగి ఉండటం వల్ల షేరుకు ఆదాయాలు (EPS),షేరు ధర పెరుగుతుంది, ఇది పెట్టుబడిదారులను ఆకర్షిస్తుంది.
మిగులు నగదును తిరిగి ఇవ్వడం: ఇది డివిడెండ్ లాగానే ఉంటుంది, కానీ పెట్టుబడిదారులు షేర్లను కలిగి ఉండటానికి లేదా విక్రయించడానికి అవకాశం ఉంటుంది.
కంపెనీకి దాని భవిష్యత్తుపై నమ్మకం ఉందని, దాని షేర్లు చౌకగా ఉన్నాయని నిరూపిస్తుంది.
ప్రమోటర్లు తమ వాటాను పెంచడానికి,కంపెనీపై వారి నియంత్రణను బలోపేతం చేయడానికి సహాయపడుతుంది.