ఇంటికి తిరిగి రావడంలోని ఆనందాన్ని జరుపుకుంటూ — స్పేసెస్ ప్రారంభించిన “యువర్ స్పేస్, యువర్ కంఫర్ట్” ప్రచారం..

365తెలుగు డాట్ కామ్ ఆన్ లైన్ న్యూస్, అక్టోబర్ 4, 2025:ప్రీమియం హోమ్ లినెన్ బ్రాండ్ స్పేసెస్ (SPACES), ఇంటికి తిరిగి రావడంలో ఉన్న ఆత్మీయతను సౌకర్యాన్ని వేడుకగా మార్చే “యువర్ స్పేస్, యువర్ కంఫర్ట్” పేరుతో కొత్త ప్రచారాన్ని ఆవిష్కరించింది. ఈ బహుళ-వేదికల ప్రచారాన్ని ^a t o m నెట్‌వర్క్ రూపొందించింది. ఇది మన ఇల్లు అందించే సౌకర్యం, ప్రశాంతత, అనుబంధాన్ని ప్రతిబింబిస్తుంది.

ఈ ప్రచారం మన దైనందిన జీవితంలోని ఆత్మీయ క్షణాలను ఆవిష్కరిస్తుంది — అలసిన రోజు తర్వాత మనకు పరిచయమైన దుప్పట్లోకి జారుకోవడం, వేడుకల తర్వాత మృదువైన బాత్రోబ్‌లో విశ్రాంతి తీసుకోవడం వంటి ప్రతి చిన్న అనుభూతి ద్వారా “ఇల్లు అనేది మన సౌకర్యం” అనే భావనను ముందుకు తెస్తుంది.

వెల్‌స్పన్ లివింగ్‌కి చెందిన ఈ ప్రీమియం బ్రాండ్ తరఫున, సంస్థ ఎండి & సీఈఓ దీపాలి గోయెంకా మాట్లాడుతూ –

“వెల్‌స్పన్ లివింగ్‌ వద్ద మేము ఎల్లప్పుడూ ప్రజల జీవితాలతో అల్లుకుపోయే సౌకర్యవంతమైన ఉత్పత్తులను రూపొందించడమే మా ధ్యేయం. స్పేసెస్ ఎప్పుడూ వ్యక్తిగత, ఆలోచనాత్మక సౌకర్యానికి ప్రతీక. ఈ ప్రచారం ద్వారా ప్రతి ఇంటిని ఒక పవిత్ర స్థలంగా మార్చే సౌందర్యం, ఆవిష్కరణ, మానవ అనుబంధాలపై మా నిబద్ధతను మరొకసారి పునరుద్ఘాటిస్తున్నాము” అన్నారు.

స్పేసెస్ సీనియర్ వైస్ ప్రెసిడెంట్ మరియు స్పెషల్ ప్రాజెక్ట్స్ బిజినెస్ హెడ్ రుచికా అరోరా మాట్లాడుతూ –

“మనకు దగ్గరైన వస్తువులు, పరిచితమైన ప్రాంగణం మనకు ఇస్తున్న ఓదార్పు అపారమైనది. స్పేసెస్‌ వద్ద ప్రతి ఉత్పత్తి ఈ అనుబంధాన్ని దృష్టిలో ఉంచుకుని రూపుదిద్దుకుంటుంది. ‘యువర్ స్పేస్ యువర్ కంఫర్ట్’ ప్రచారం ఈ భావనను ఖచ్చితంగా ప్రతిబింబిస్తుంది — ప్రపంచంలో అత్యుత్తమ అనుభూతి మన ఇంటి సౌకర్యమే” అన్నారు.

ఈ ప్రచార చిత్రంపై ^a t o m నెట్‌వర్క్ సహ వ్యవస్థాపకుడు & సిసిఓ యష్ కుల్‌శ్రేష్ట్ మాట్లాడుతూ –

“సౌకర్యం అనేది వ్యక్తిగతమైనది — కొన్నిసార్లు గజిబిజిగా, కొన్నిసార్లు సరళంగా ఉంటుంది, కానీ ఎప్పటికీ మీదే. ఈ ప్రచారంలో మనం పని, ప్రయాణం లేదా బిజీ రోజు తర్వాత ఇంటికి చేరే ఆ మధురమైన అనుభూతిని వేడుక చేసుకున్నాము. చిన్న చిన్న క్షణాలు, ఆచారాలు, విరామాలే మన ఇంటిని నిజమైన ‘స్పేస్’గా మార్చుతాయి” అన్నారు.

బ్రాండ్ ఇప్పటికే ఈ ప్రచార చిత్రాన్ని తన సోషల్ మీడియా ప్లాట్‌ఫారమ్‌లలో విడుదల చేసింది. త్వరలోనే దీన్ని డిజిటల్, సినిమా, ప్రింట్ మరియు అవుట్‌డోర్ (OOH) మాధ్యమాల ద్వారా విస్తృతంగా ప్రసారం చేయనుంది, తద్వారా వినియోగదారులకు “స్పేసెస్” ఉత్పత్తుల అనుభూతిని మరింత దగ్గర చేస్తుంది.