365తెలుగు డాట్ కామ్ ఆన్ లైన్ న్యూస్, హైదరాబాద్, అక్టోబర్ 15, 2025: జీ తెలుగు ,జీ5, ప్రేక్షకులను అలరించేందుకు మరో అద్భుతమైన చిత్రంతో సిద్ధమయ్యాయి. థియేటర్లలో విజయవంతంగా ప్రదర్శితమైన హారర్ థ్రిల్లర్ ‘కిష్కింధపురి’ ఈ వారాంతంలో వరల్డ్ టెలివిజన్ ప్రీమియర్‌గా ప్రసారం కానుంది.
కౌశిక్ పెగళ్లపాటి దర్శకత్వంలో, సాహు గారపాటి నిర్మాణంలో రూపొందిన ఈ చిత్రం శుక్రవారం (అక్టోబర్ 17) సాయంత్రం 6 గంటలకు జీ5లో, ఆదివారం (అక్టోబర్ 19) సాయంత్రం 6 గంటలకు జీ తెలుగులో ప్రసారం కానుంది.
‘కిష్కింధపురి’ కథ రాఘవ్ (బెల్లంకొండ సాయి శ్రీనివాస్) మరియు మైథిలి (అనుపమ పరమేశ్వరన్) అనే జంట చుట్టూ తిరుగుతుంది. వీరు కిష్కింధపురి అనే రహస్యమైన పట్టణంలో ఘోస్ట్-వాకింగ్ టూర్‌లను నిర్వహించే కంపెనీలో పనిచేస్తారు.
ఒక టూర్ సందర్భంగా వారు సందర్శకులను సువర్ణమాయ అనే పాత రేడియో స్టేషన్‌కు తీసుకెళతారు. అయితే, అక్కడికి వెళ్లిన సందర్శకులు ఒక్కొక్కరుగా రహస్యమైన పరిస్థితుల్లో చనిపోతారు.
ఈ మరణాల వెనుక ఉన్న రహస్యం ఏమిటి? ఈ ఘటనలకు కారణమెవరు? రాఘవ్,మైథిలి ఈ సమస్యను ఎలా పరిష్కరిస్తారు? ఈ ఆసక్తికర ప్రశ్నలకు సమాధానం తెలుసుకోవాలంటే, జీ5, జీ తెలుగులో ప్రసారం కానున్న ‘కిష్కింధపురి’ని తప్పక చూడాలి!
ఈ సినిమా ఆకర్షణీయమైన కథాంశం, అద్భుతమైన నటనలతో పాటు, బెల్లంకొండ సాయి శ్రీనివాస్, అనుపమ పరమేశ్వరన్‌లతో పాటు తనికెళ్ళ భరణి, శ్రీకాంత్ అయ్యంగార్, హైపర్ ఆది, మకరంద్ దేశ్‌పాండే, సుదర్శన్ వంటి ప్రముఖ నటులు ఇతర ముఖ్య పాత్రల్లో నటించారు.
‘కిష్కింధపురి’ వరల్డ్ టెలివిజన్ ప్రీమియర్‌ను ఈ శుక్రవారం (అక్టోబర్ 17) సాయంత్రం 6 గంటలకు జీ5లో, ఆదివారం (అక్టోబర్ 19) సాయంత్రం 6 గంటలకు జీ తెలుగులో చూసి ఆనందించండి. తప్పక చూడండి!