365తెలుగు డాట్ కామ్ ఆన్ లైన్ న్యూస్, న్యూఢిల్లీ, సెప్టెంబర్ 20, 2024: సుప్రీం కోర్టు అధికారిక యూట్యూబ్ ఛానల్ హ్యాక్ అయినట్లు వార్తలు వెలువడ్డాయి. ప్రస్తుతం ఈ ఛానల్‌లో క్రిప్టోకరెన్సీ XRPకి సంబంధించిన వీడియోలు ప్రసారం అవుతున్నాయి.
సుప్రీం కోర్టు యూట్యూబ్ ఛానల్ ద్వారా కోర్టు కీలక కేసుల ప్రత్యక్ష ప్రసారం, ముఖ్యమైన వీడియోలు భాగస్వామ్యం చేసేవారు. అయితే, హ్యాకింగ్ అనంతరం అందులో ఉన్న అన్ని కోర్టు వీడియోలు తొలగించబడ్డాయి. ప్రస్తుతం “బ్రాడ్ గార్లింగ్‌హౌస్: SEC $2 బిలియన్ జరిమానాపై ప్రతిస్పందన” అనే పేరుతో XRP ప్రైస్ ప్రెడిక్షన్ వీడియో ప్రసారం అవుతోంది.
సుప్రీం కోర్టు యూట్యూబ్ ఛానల్ ద్వారా సాధారణంగా రెగ్యులర్ కోర్టు విచారణలు ప్రత్యక్ష ప్రసారం జరుగుతాయి. ఈ సందర్భంలో హ్యాకింగ్ సైబర్ భద్రతా పరంగా తీవ్రమైన ఉల్లంఘనగా పరిగణించబడుతోంది.
గతంలో కూడా సుప్రీం కోర్టు వెబ్‌సైట్‌పై ఫిషింగ్ దాడి జరగ్గా, లాయర్లు ఆన్‌లైన్ లావాదేవీలు చేసే ముందు జాగ్రత్తగా ఉండాలని చీఫ్ జస్టిస్ డీవై చంద్రచూడ్ హెచ్చరించారు.