365తెలుగు డాట్ కామ్ ఆన్ లైన్ న్యూస్, డిసెంబర్ 3, 2023: తెలంగాణ ముఖ్యమంత్రి చంద్రశేఖర్ రావు తన రాజీనామాను గవర్నర్‌కు పంపారని, బీఆర్ఎస్ నేత కల్వకుంట్ల తారక రామారావు అన్నారు.
విజయం సాధించినందుకు కాంగ్రెస్‌ను అభినందిస్తూ, కొత్త ప్రభుత్వానికి తమ పార్టీ పూర్తి సహాయ సహకారాలు అందిస్తుందని బీఆర్ఎస్ నేత తెలిపారు. నిర్మాణాత్మక ప్రతిపక్షంగా బీఆర్ఎస్ పాత్ర పోషిస్తుందని ఆయన పేర్కొన్నారు.
అసెంబ్లీ ఎన్నికల్లో తమ పార్టీ ఘోర పరాజయం పాలైన నేపథ్యంలో తెలంగాణ ముఖ్యమంత్రి కె. చంద్రశేఖర్ రావు (కేసీఆర్) తన రాజీనామా లేఖను గవర్నర్ తమిళిసై సౌందరరాజన్‌కు పంపారని, భారత రాష్ట్ర సమితి (బీఆర్ఎస్) వర్కింగ్ ప్రెసిడెంట్ కె. టి.రామారావు తెలిపారు.
తమ పార్టీ కోరుకున్న విధంగా ఫలితాలు రాలేదని, అయితే బీఆర్ఎస్ వరుసగా రెండు పర్యాయాలు సేవ చేసే అవకాశం కల్పించినందుకు ప్రజలకు కృతజ్ఞతలు తెలుపుతున్నామన్నారు.
కేటీఆర్ విలేకరులతో మాట్లాడుతూ, “ప్రజాస్వామ్య ప్రక్రియ ప్రకారం, మన ముఖ్యమంత్రి ఇప్పటికే తన రాజీనామాను గవర్నర్‌కు పంపారు. తగిన ప్రక్రియను అనుసరిస్తారని నేను భావిస్తున్నాను.
కేసీఆర్ నాయకత్వంలో తెలంగాణ ప్రజల అభ్యున్నతికి బీఆర్ఎస్ నిరంతరం కృషి చేస్తుందన్నారు.
విజయం సాధించినందుకు కాంగ్రెస్‌ను అభినందిస్తూ, కొత్త ప్రభుత్వానికి తమ పార్టీ పూర్తి సహాయ సహకారాలు అందిస్తుందని బీఆర్ఎస్ నేత తెలిపారు. నిర్మాణాత్మక ప్రతిపక్షంగా బీఆర్ఎస్ పాత్ర పోషిస్తుందన్నారు.