365తెలుగు డాట్ కామ్ ఆన్ లైన్ న్యూస్,ఏప్రిల్ 25,2023:పురావస్తు శాఖ గుర్తించిన భూముల్లో ఎప్పుడు తవ్వకాలు జరిపినా శతాబ్దాల నాటి వస్తువులు బయటపడుతుంటాయి. శతాబ్దాలుగా భూమిపై ఉన్న కొన్ని వస్తువులు మాత్రం యుగాలు దాటినా అలాగే ఉన్నాయి. అటువంటివాటిలో అత్యంత వయసు కలిగిన చెట్టు ఇప్పటికీ సజీవంగా ఉంది.
దక్షిణ అమెరికాలోని చిలీ దేశంలో ఉంది ఈ చెట్టు. దీని వయసు 5 వేల 484 సంవత్సరాలు. ఇప్పటి వరకు చాలా మంది ఈ చెట్టును చూసారు. కానీ దీని చారిత్రక ప్రాముఖ్యత గురించి ఎవరికీ తెలియదు. ఈ చెట్టు 5000 సంవత్సరాల వయస్సు ఉండడంతో దీనిని గ్రేట్ గ్రాండ్ ఫా అని పిలుస్తారు.
శాస్త్రవేత్తలు ఈ చెట్టు కు సంబంధించి ఖచ్చితమైన వయస్సును గుర్తించలేక పోయినప్పటికీ, అవి చెట్ల కాండాన్ని బట్టి శతాబ్దాల నాటివని చెబుతున్నారు. ఈ చెట్టుపై అధ్యయనం చేసిన శాస్త్రవేత్త పేరు జోనాథన్.
ప్రపంచంలోని అత్యంత పురాతన చెట్టు..
జోనాథన్ ఆ చెట్టు నమూనాలను సేకరించి, డేటింగ్ పద్ధతి ప్రకారం, అతను ఆ చెట్టు వయస్సు 5,484 సంవత్సరాలుగా నిర్ణయించాడు. చెట్టు ఆయుష్షు తగ్గిపోయే అవకాశం కేవలం 20 శాతం మాత్రమే. ఇదే జరిగితే ఈ చెట్టు ప్రపంచంలోనే అత్యంత పురాతనమైన చెట్టు అవుతుంది. ఇంతకుముందు ఈ రికార్డు కాలిఫోర్నియాలోని 4 వేల 853 ఏళ్లనాటి తాటి చెట్టుపై ఉంది.
చెట్లు అనేక సంస్కృతులను చూసాయి. జోనాథన్ బారిచెవిచ్ ప్రకారం, ఈ చెట్టు ఎల్లెర్ కోస్టారో నేషనల్ పార్క్‌లో నాటారు. ఇక్కడ మానవ నాగరికతలో వచ్చిన అనేక దశలు గమనించారు. ఇక్కడికి వచ్చేవారికి ఇది ప్రత్యేకంగా ఉంటుంది.
జోనాథన్ ప్రకారం, అమెరికాలోని వివిధ ప్రాంతాలలో ఇటువంటి చెట్లు ఇంకా ఎక్కువ ఉండవచ్చు, అవి ఇప్పటికీ మనుగడలో ఉన్నాయి. అలాంటి చెట్లు శతాబ్దాల తరబడి సజీవంగా ఉన్నాయని ఆయన వెల్లడిస్తున్నారు.