Sat. Jul 13th, 2024
The royal family of Bobbili Sansthan conducted the Ayudha Puja

365తెలుగు డాట్ కామ్ ఆన్ లైన్ న్యూస్, విజయనగరం,అక్టోబర్ 4, 2022: బొబ్బిలి సంస్థానం కోటలో మంగళవారం ఆయుధ పూజను ఘనంగా నిర్వహించారు. రెండేళ్ల విరామం తర్వాత బొబ్బిలి రాజకుటుంబానికి చెందిన వారసులు ఈ కార్యక్రమాన్ని వైభవంగా నిర్వహించారు. రెండేళ్లు గా కోవిడ్ ఆంక్షల కారణంగా బొబ్బిలి రాజకుటుంబానికి చెందిన వారసులు పూజను గొప్పగా నిర్వహించలేదు.

The royal family of Bobbili Sansthan conducted the Ayudha Puja

ఈ సంవత్సరం బంగారు సింహాసనంతోపాటు ఇతర ఆచారాలు, సంప్రదాయాల ఊరేగింపును పెద్ద ఎత్తున నిర్వహించారు. ఈ కార్యక్రమంలో ప్రజలు భారీ సంఖ్యలో పాల్గొన్నారు. మాజీ మంత్రి ఆర్‌విఎస్‌కె రంగారావు, ఆర్‌విఎస్‌కె రంగారావు (బేబీ నైనా), ఆర్‌విఎస్‌ఆర్‌కె రంగారావు ముగ్గురు సోదరులు 1757లో బొబ్బిలి యుద్ధంలో ఉపయోగించిన ఆయుధాలకు ప్రత్యేక పూజలు చేశారు.ఈ ఆయుధాల గ్యాలరీలో తాండ్ర పాపారాయుడు ఉపయోగించిన ఖడ్గం ఆకట్టుకుంది.

ఈ సందర్భంగా బొబ్బిలి రాజకుటుంబానికి చెందిన వారసులు తమ పూర్వీకులు ఉపయోగించిన సింహాసనానికి పూజలు చేశారు. అనంతరం కోట ప్రాంగణంలో సింహాసనంతో నిర్వహించిన ఊరేగింపులో పాల్గొన్నారు. ఈ కార్యక్రమానికి వేలాది మంది ప్రజలు హాజరై ఆయుధాలు, సంప్రదాయాలు, బంగారు సింహాసనాన్ని తిలకించి మంత్రముగ్ధులయ్యారు.