365తెలుగు డాట్ కామ్ ఆన్ లైన్ న్యూస్, హైదరాబాద్,డిసెంబర్ 31,2022: ఈ 2022 సంవత్సరం అందరికీ ఎన్నో జ్ఞాపకాలను అందించింది.
2022 సంవత్సరంలో కొన్ని తీపి జ్ఞాపకాలు కాగా..మరికొన్ని చేదు జ్ఞాపకాలను కూడా ఇచ్చింది.
2020లో మొదలైన కరోనా ప్రపపంచదేశాలకు సోకి ఇప్పటికీ ఆయా దేశాలను విషాదంలో ముంచుతోంది.
2022 లో కూడా ఎంతోమంది చనిపోయారు. 2022లో హాలీవుడ్‌లోని చాలా మంది స్టార్స్ కన్నుమూశారు.
#Hollywood stars ఈ ప్రపంచానికి వీడ్కోలు పలికి, అటు హాలీవుడ్ పరిశ్రమకు, ఇటు అభిమానులకు తీవ్ర విషాదం మిగిల్చారు.
విలియం హర్ట్.. (#William Hurt)
ప్రఖ్యాత నటుడు విలియం హర్ట్ చాలా చిత్రాలలో అద్భుతంగా నటించాడు. అగ్ర దర్శకులతో కలిసి పనిచేసిన వ్యక్తిగా పేరు తెచ్చుకున్నాడు. ఈయన 2022 సంవత్సరం మార్చి13 తేదీన తన 72వ పుట్టినరోజుకు ఒక వారం ముందు చనిపోయారు.
నటి అన్నే హేచే.. Actress Anne Heche..
నటి అన్నే హేచే.. Actress Anne Heche..
హాలీవుడ్ నటి అన్నే హేచే మరణం అందరినీ కలిచివేసింది. ఆగష్టు 5 న, ఆమె కారు లాస్ ఏంజిల్స్‌లోని భవనంపైకి దూసుకెళ్లడంతో మంటలు చెలరేగి ఆమెకు తీవ్ర గాయాలయ్యాయి. ఒక వారం తర్వాత చికిత్స తీసుకుంటూ 53 సంవత్సరాల వయస్సులో ఆగష్టు 11న తుది శ్వాస విడిచింది.
జాన్ స్టోల్.. john stoll
‘గేమ్స్ ఆఫ్ థ్రోన్స్’లో రికార్డ్ కార్‌స్టోర్క్ పాత్రతో మంచి గుర్తింపు తెచ్చుకున్న ప్రముఖ నటుడు జాన్ స్టోల్ కూడా ఈ ఏడాది 68 ఏళ్ల వయసులో ఈలోకాన్ని విడిచి వెళ్ళారు. మార్చి 2వతేదీన ఆయన కన్నుమూశారు.
జేసన్ డేవిడ్ ఫ్రాంక్స్.. (#Jason david franks)
హాలీవుడ్ నటుడు పవర్ రెంజర్స్ స్టార్ జేసన్ డేవిడ్ ఫ్రాంక్స్.. ఈ ఏడాది నవంబర్ 19న 49 ఏళ్ల వయసులో చనిపోయారు.
ఆయన ఆత్మహత్య చేసుకున్నట్లు వార్తలొచ్చాయి. ఆయన మరణ వార్తతో అతని స్నేహితులు, అభిమానులు తీవ్ర దిగ్భ్రాంతికి గురయ్యారు.
రే లియోటా.. (#Ray Liotta)
అమెరికాకు చెందిన ప్రముఖ నటుడు రే లియోటా 26 మే 2022న 67 ఏళ్ల వయసులో ఈ ప్రపంచానికి వీడ్కోలు పలికారు. ఆ సమయంలో అతను డొమినికన్ రిపబ్లిక్‌లో ఒక సినిమా షూటింగ్‌లో ఉన్నారు.
అతను గుడ్ ఫెలోస్ చిత్రంలో మాబ్స్టర్ హెన్రీ హిల్ పాత్ర తో మంచి పేరు తెచ్చుకున్నారు.
రూత్ మడాక్ (#Ruth madoc)
రూత్ మడాక్ హాలీవుడ్ ప్రపంచంలో పెద్ద పేరు ఉన్న నటి. ఆమె సిట్‌కామ్ టీవీ సిరీస్ Hi-De-Hiకి బాగా ప్రసిద్ధి చెందింది. ఒక నటి గానే కాకుండా గాయకురాలిగా తనదైన ముద్రవేసిన ఆమె డిసెంబర్ 9న ప్రపంచానికి వీడ్కోలు పలికింది.
డీజే స్టీఫెన్ ట్విచ్ బాస్.. (#DJ.Stephen twitch boss)
ప్రముఖ డ్యాన్సర్, నటుడు, డీజే స్టీఫెన్ ట్విచ్ బాస్ మరణవార్త హాలీవుడ్ ప్రపంచాన్ని దిగ్భ్రాంతికి గురిచేసింది. 2022 సంవత్సరంలో 13 డిసెంబర్ 13వతేదీన మరణించారు.
లాస్ ఏంజిల్స్‌లోని ఓ హోటల్ గదిలో అతని మృతదేహం లభ్యమైనట్లు మీడియాలో కథనాలు కూడా వచ్చాయి.