365తెలుగు డాట్ కామ్ ఆన్ లైన్ న్యూస్,జూన్ 30,2023: దేశీయ స్టాక్ మార్కెట్ సూచీలు రోజురోజుకు కొత్త శిఖరాలను తాకుతున్నాయి. గురువారం సెలవుల అనంతరం శుక్రవారం సెన్సెక్స్, నిఫ్టీలు జోరుగా ప్రారంభమయ్యాయి.
ప్రస్తుతం సెన్సెక్స్ 390.81 (0.61%) పాయింట్ల లాభంతో 64,306.23 పాయింట్ల సరికొత్త ఆల్ టైమ్ హై వద్ద ట్రేడవుతోంది. మరోవైపు, నిఫ్టీ కూడా 113.65 (0.6%) పాయింట్లు పెరిగి 19,085.75 వద్ద సరికొత్త ఆల్ టైమ్ హై వద్ద ట్రేడవుతోంది.
IT అండ్ PSU బ్యాంకింగ్ స్టాక్స్ లాభాల్లో దూసుకెళుతున్నాయి. వారం చివరి ట్రేడింగ్ రోజు మార్కెట్ బంపర్ ర్యాలీలో ఐటీ, ప్రభుత్వ రంగ బ్యాంకులు అత్యధిక లాభాలను చవిచూశాయి. నిఫ్టీలో పవర్ గ్రిడ్, ఏషియన్ పెయింట్స్ షేర్లు రెండు శాతం కంటే ఎక్కువ లాభంతో ట్రేడవుతున్నాయి.
బుధవారం బీఎస్ఈ సెన్సెక్స్ 500 పాయింట్ల లాభంతో 63,915 పాయింట్ల వద్ద ముగిసింది. మరోవైపు డాలర్‌తో పోలిస్తే రూపాయి 0.02 (-0.02%) పాయింట్ల బలహీనతతో రూ.82.04 స్థాయిలో ట్రేడవుతోంది.