365తెలుగు డాట్ కామ్ ఆన్ లై న్యూస్,మార్చి 24,2023: పెళ్లయ్యాక వధువు అయినా, వరుడు అయినా.. వారికి హనీమూన్ చాలా ప్రత్యేకం. హనీమూన్‌లో ఒకరినొకరు బాగా అర్థం చే సుకోవడానికి అవకాశం దొరుకుతుంది. ఒకరితో ఒకరు మాట్లాడుకోవడం ద్వారా అన్నివిషయాలను గురించి కూడా తెలుసుకుంటారు. అంతేకాదు, జీవితాంతం గుర్తుండిపోయే ఇలాంటి మధుర క్షణాలను మళ్లీ మళ్లీ రిమైండ్ చేసుకుంటారు.
ఐతే హనీమూన్ కు వెళ్లిన నవ దంపతుల్లో వధువు వరుడిని చూసి ఒక్కసారిగా షాక్ అయ్యింది. ఉత్తర్ ప్రదేశ్ లోని మెయిన్‌పురిలో అలాంటి ఉదంతం వెలుగులోకి వచ్చింది. ఇక్కడ ఒక వధువు హనీమూన్‌లో తన గది నుంచి అరుస్తూ బయటకు పరుగెత్తింది.
వధువు కేకలు వేయడంతో బంధువులంతా గుమిగూడారు. ఆమె అరవడానికి కారణమేంటని ప్రశ్నించగా..పెళ్లికొడుకు కూడా ఇబ్బంది పడేలా సమాధానం ఇచ్చింది.
మీడియా కథనాల ప్రకారం, ఈ కేసు కిష్ని పోలీస్ స్టేషన్ పరిధిలోని పంచంపూర్ గ్రామానికి సంబంధించినది. ఇక్కడ నివసిస్తున్న వ్యక్తికి నీలోయ్ జస్వంత్‌నగర్ ఇటావా ప్రాంతానికి చెందిన అమ్మాయితో వివాహం జరిగింది. పెళ్ళైన తరువాత, వధువు తన తల్లి ఇంటిని వదిలి తన అత్తమామల ఇంటికి చేరుకుంటుంది. అత్తమామలు హనీమూన్ కోసం గదిని అలంకరించారు.
రాత్రి వధువు చేతిలో పాల గ్లాసుతో వరుడి వద్దకు వెళ్ళింది. వరుడు పాలు తాగాడు. అకస్మాత్తుగా వధువు అరుస్తూ బయటికి పరిగెత్తింది. దీంతో పెళ్లికొడుకు కూడా వెనకాలే పరిగెత్తుకొచ్చి మౌనం వహించాడు. ఆ తర్వాత పెళ్లికూతురు అరుపులకు చెప్పిన కారణంతో అత్తమామలు ఒక్కసారిగా ఉలిక్కిపడ్డారు.
మరుసటి రోజు ఉదయం పెళ్లికూతురు బంధువులు కూడా సంఘటనా స్థలానికి చేరుకున్నారు. ఇక్కడ కూడా పెళ్లికూతురు చెప్పిన కారణం తెలిసి ఆశ్చర్యపోతున్నారు. పెళ్లికూతురు ఇక్కడ బతకడం కష్టమని ఆమె బంధువులకు చెప్పింది. దీని తరువాత, రెండు కుటుంబాల మధ్య వాగ్వాదం జరిగింది. ఆ తర్వాత పోలీసులకు సమాచారం వధువు తరఫునవాళ్లు పోలీసులకు పిర్యాదు చేశారు. సంఘటనా స్థలానికి చేరుకున్న ఇరువర్గాలను పోలీస్‌స్టేషన్‌కు తరలించారు.
చివరకి వరుడితో కలిసి జీవించకపోవడానికి ఇదే కారణం అని చెప్పింది వధువు.
వరుడు నపుంసకుడని వధువు ఆరోపించిందని పోలీసులు తెలిపారు. తమ కూతురు అక్కడ ఉండదని అమ్మాయి తరఫు వారు తేల్చి చెప్పారు. తమ కట్నం డబ్బు తిరిగి ఇవ్వాలని పెళ్లి కూతురు తరపు వాళ్ళు కోరగా.. పెళ్లి ఖర్చులకు పరిహారం ఇవ్వాలని పోలీసులకు వరుడి తరపు వారు ఫిర్యాదు చేశారు.
చివరకు భర్త నపుంసకుడని తెలియడంతో వధువు తల్లిదండ్రులతో వెళ్లిందని సంబంధిత విచారణ అధికారి తెలిపారు. పోలీసులు కేసు నమోదు చేసి దర్యాప్తు ప్రారంభించారు. విచారణ పూర్తయిన తర్వాతే తదుపరి చర్యలు తీసుకుంటామని వెల్లడించారు.