365తెలుగుడాట్ కామ్ ఆన్ లైన్ న్యూస్,వాషింగ్టన్, ఏప్రిల్ 10, 2025: అమెరికా అధ్యక్షుడు డొనాల్డ్ ట్రంప్ ప్రపంచ వాణిజ్యంలో అనిశ్చితి నెలకొన్న నేపథ్యంలో కీలక నిర్ణయం ప్రకటించారు. గత వారం ప్రకటించిన ‘రిసిప్రొకల్’ సుంకాలను 90 రోజులపాటు నిలిపివేస్తున్నట్లు ఆయన బుధవారం వెల్లడించారు. అయితే, చైనాపై మాత్రం సుంకాలను 125 శాతానికి పెంచుతూ కఠిన వైఖరి కొనసాగిస్తున్నారు. ఈ నిర్ణయంతో ప్రపంచ మార్కెట్లు ఊపిరి పీల్చుకున్నాయి.
ఇది కూడా చదవండి…అల్లు అర్జున్ ‘AA22’ పోస్టర్‌పై వివాదం: ‘డ్యూన్’ నుంచి కాపీనా?
ఇది కూడా చదవండి…డ్రామా జూనియర్స్ సీజన్ 8 గ్రాండ్ లాంచ్‌కు రెడీ
ట్రంప్ తన ట్రూత్ సోషల్ వేదికపై ఈ ప్రకటన చేశారు. “75కి పైగా దేశాలు ప్రతీకార చర్యలు తీసుకోకుండా చర్చలకు ముందుకొచ్చాయి. అందుకే 90 రోజుల విరామం ప్రకటిస్తున్నా. ఈ కాలంలో సుంకాలు 10 శాతానికి తగ్గిస్తున్నా” అని ఆయన పేర్కొన్నారు. కానీ, చైనా 84 శాతం ప్రతీకార సుంకాలతో స్పందించడంతో, “ప్రపంచ మార్కెట్ల పట్ల చైనా అగౌరవం చూపింది” అంటూ దానిపై సుంకాలను 125 శాతానికి పెంచారు.
ఈ నిర్ణయం వెనుక మార్కెట్ అలజడి, ఆర్థిక మాంద్యం భయాలు కీలకంగా ఉన్నాయి. ట్రంప్ సుంకాల ప్రకటన తర్వాత అమెరికా స్టాక్ మార్కెట్లు కుప్పకూలాయి. బుధవారం ఈ విరామ ప్రకటనతో డౌ జోన్స్ 3,000 పాయింట్లు, S&P 500 సూచీ 9 శాతం, నాస్డాక్ 12 శాతం పెరిగాయి. టెస్లా వంటి కంపెనీల షేర్లు 22 శాతం లాభపడ్డాయి.
Read this also…‘Zee Telugu Unveils Drama Juniors Season 8 with a Star-Studded Grand Launch
ఇది కూడా చదవండి…‘ప్రేమకు జై’ ఏప్రిల్ 11న విడుదల…
“ఇది ట్రంప్ వ్యూహంలో భాగమే” అని ఆర్థిక కార్యదర్శి స్కాట్ బెసెంట్ తెలిపారు. అయితే, చైనాతో వాణిజ్య యుద్ధం తీవ్రమవుతుండగా, 90 రోజుల తర్వాత ఏం జరుగుతుందనేది అనిశ్చితంగా ఉంది. ఈ సుంకాలు అమెరికా దిగుమతులపై, ముఖ్యంగా చైనా నుంచి వచ్చే బొమ్మలు, ఎలక్ట్రానిక్స్ వంటి వస్తువుల ధరలను పెంచే అవకాశం ఉంది.