365తెలుగు డాట్ కామ్ ఆన్ లైన్ న్యూస్,తిరుపతి,డిసెంబర్ 4,2021: తిరుచానూరు శ్రీ ప‌ద్మావ‌తి అమ్మ‌వారి వార్షిక కార్తీక బ్ర‌హ్మోత్స‌వాల్లో భాగంగా శ‌ని, ఆదివారాల్లో జ‌రుగ‌నున్న గ‌జ, గ‌రుడ వాహ‌న‌సేవ‌ల్లో అలంక‌రించేందుకు తిరుమ‌ల శ్రీవారి ల‌క్ష్మీకాసుల హారాన్ని శ‌నివారం ఉద‌యం తిరుచానూరుకు తీసుకొచ్చారు.
ముందుగా తిరుమలలో శ్రీవారి ఆల‌యం నుంచి ఈ హారాన్ని ఆల‌య నాలుగు వీధుల్లో ఊరేగించి తిరుచానూరుకు తీసుకొచ్చారు.
తిరుచానూరులో శ్రీవారి లక్ష్మీకాసులహారం స్వీకరించిన టిటిడి జెఈవో
అనంత‌రం తిరుమ‌ల నుంచి వాహ‌నంలో భ‌ద్ర‌త నడుమ తిరుచానూరు శ్రీ ప‌ద్మావ‌తి అమ్మ‌వారి ఆల‌యానికి తీసుకొచ్చారు. టిటిడి జెఈవో శ్రీ వీర‌బ్ర‌హ్మంకు అంద‌జేశారు. అక్క‌డ హారానికి ప్ర‌త్యేక పూజ‌లు నిర్వ‌హించి మంగ‌ళ‌వాయిద్యాల నడుమ ఆల‌యంలోకి తీసుకెళ్లారు. ఆల‌య ప్రాంగ‌ణంలో ప్ర‌ద‌క్షిణ‌గా గ‌ర్భాల‌యంలోకి తీసుకెళ్లారు.
