365తెలుగు డాట్ కామ్ ఆన్ లైన్ న్యూస్,తిరుప‌తి,ఫిబ్రవరి 19,2022: శ్రీనివాసమంగాపురంలోని శ్రీ కల్యాణ వేంకటేశ్వరస్వామివారి ఆలయంలో వార్షిక బ్ర‌హ్మోత్స‌వాల‌ను పుర‌స్క‌రించుకుని శనివారం రాత్రి శాస్త్రోక్తంగా అంకురార్ప‌ణ జ‌రిగింది. కోవిడ్‌-19 వ్యాప్తి నేప‌థ్యంలో ఆలయంలో ఏకాంతంగా ఈ కార్య‌క్ర‌మం నిర్వ‌హించారు. ఆలయంలో ఫిబ్రవరి 20నుంచి 28వ తేదీ వరకు వార్షిక బ్రహ్మోత్సవాలు ఏకాంతంగా జరగనున్నాయి.
అంకురార్ప‌ణం సందర్భంగా సాయంత్రం 6 నుంచి మృత్సంగ్ర‌హ‌ణంలో భాగంగా పుట్టమన్ను సేకరణ, శ్రీ విష్వక్సేనులవారికి సేనాధిప‌తి ఉత్స‌వం, అంకురార్ప‌ణ కార్య‌క్రమాలు శాస్త్రోక్తంగా నిర్వ‌హించారు.
ఫిబ్రవరి 20న ధ్వ‌జారోహ‌ణం
శ్రీ కల్యాణ వేంకటేశ్వరస్వామివారి బ్రహ్మోత్సవాలకు ఆదివారం ఉద‌యం 9నుంచి 9.20 గంట‌ల మ‌ధ్య మీన ల‌గ్నంలో శాస్త్రోక్తంగా ధ్వ‌జారోహ‌ణ ఘ‌ట్టం జ‌రుగ‌నుంది. అంత‌కుముందు తిరుచ్చి ఉత్స‌వం నిర్వ‌హిస్తారు. రాత్రి 7 నుంచి 8 గంట‌ల వరకు పెద్ద‌శేష వాహ‌న‌సేవ జ‌రుగ‌నుంది.
బ్ర‌హ్మోత్స‌వాల్లో ఉద‌యం 8నుంచి 9 గంట‌ల వరకు, రాత్రి 7 నుండి నుంచి 8 గంట‌ల వరకు ఆల‌య ప్రాంగ‌ణంలో వాహ‌న‌సేవ‌లు నిర్వ‌హిస్తారు.