365తెలుగు డాట్ కామ్ ఆన్ లైన్ న్యూస్,మార్చి 7,2025: ఒక దివ్యగురువు తాను గురువుగా ఉండాలంటే శరీరాన్ని కలిగి ఉండనక్కరలేదు.ఆధ్యాత్మిక గ్రంథరాజమైన “ఒక యోగి ఆత్మకథ” రచయిత అయిన శ్రీ శ్రీ పరమహంస యోగానంద, “కైవల్యదర్శనం (ద హొలీ సైన్స్ )” అన్న సాటిలేని గ్రంథరచయిత శ్రీ శ్రీ శ్రీయుక్తేశ్వర్ గిరి తమ కోట్లాది శిష్యుల దృష్టిలో నేటికీ ఆ కోవకు చెందినవారే.
మార్చినెలలో మహత్వపూర్ణమైన వీరిరువురి మహాసమాధులు-దైవసాక్షాత్కారం పొందిన గురువు మరణసమయంలో తన శరీరాన్ని సస్పృహతో విడిచిపెట్టడమనే అద్భుతం-రానున్నాయి. శ్రీయుక్తేశ్వర్ గిరి గారు 1936, మార్చి 9న మహాసమాధి చెందితే, ప్రపంచఖ్యాతి పొందిన ఆయన శిష్యులు పరమహంస యోగానంద గారు 1952, మార్చి 7న మహాసమాధి చెందారు.
ఇది కూడా చదవండి…భక్తి ప్రపత్తులతో పరమహంస యోగానంద మహాసమాధి ఆరాధనోత్సవాలు..
ఇది కూడా చదవండి…బిర్లా ఓపస్ పెయింట్స్ స్టూడియో ప్రారంభం..
Read this also… Birla Opus Paints Unveils Its First-Ever Paint Studio, Redefining the Painting Experience
క్రియాయోగ పరంపరకు చెందిన ఈ ఇరువురు గురువులూ తమ శరీరాలను, అంతవరకూ తమతో కలిసి జీవించిన ఒక వస్త్రాన్ని త్యజించినట్టుగా, వదిలిపెట్టారు; తడవకు ఒక అతిదీర్ఘ క్రియా శ్వాసతో, వారి శిష్యులను మోక్షం వైపు నడిపిస్తూ, జీవించారు.
“ఒక యోగి ఆత్మకథ” పుస్తకంలో వర్ణించినట్టుగా క్రియాయోగం ప్రతిశ్వాసతోనూ రక్తప్రవాహాన్ని కర్బనరహితం చేస్తూ తద్ద్వారా శరీరకణాల నశింపును అంతకంతకూ తగ్గిస్తూ చివరకు నివారిస్తుంది.
తద్ద్వారా పోగైన అదనపు ఆక్సిజన్ పరమాణువులు కణాల్ని స్వచ్ఛమైన శక్తిగా మారుస్తాయి. ఆలా ఆ విధంగా 30 సెకండ్లపాటు చేసే ఒక క్రియా శ్వాస ఒక ఏడాదిలో సహజరీతిలో జరిగే ఆధ్యాత్మికాభివృద్ధిని వ్యక్తిలో కలిగిస్తుంది.
ఇది శ్రీకృష్ణుడు అర్జునికి ఉపదేశించిన ఒక ప్రాచీన విజ్ఞానం. ఆ తరువాతికాలంలో అది పతంజలికి, మరికొందరు శిష్యులకూ తెలిసింది. ఈ యుగంలో మహావతార బాబాజీ లాహిరీ మహాశయులకు ఇవ్వగా, ఆయన యోగానందుల గురువైన శ్రీయుక్తేశ్వర్ గారికి ఉపదేశించారు.
అప్పట్లో ముకుందుడుగా ఉన్న యోగానందగారు 1910 వ సంవత్సరంలో తనకు 17 ఏళ్ల వయసప్పుడు తన గురువైన శ్రీయుక్తేశ్వర్ గారిని కలిశారు. ఆశ్రమంలోని ఇతర బాలురు గురువుగారి కఠినమైన శిక్షణకు భయపడి మరింత ఉపశమనకర వచనాలను కోరి పారిపోతుండగా ముకుందుడు మాత్రం గురువు ఆదేశాలను తన ఆత్మలోనికి తీసుకొన్నాడు.
Read this also… Marico Innovation Foundation Celebrates Trailblazing Innovators at Indian Innovation Icons 2025
ఇది కూడా చదవండి…రూ. 700 కోట్ల ఐపీవో కోసం సెబీకి డీఆర్‌హెచ్‌పీ దాఖలు చేసిన ఎక్సెల్‌సాఫ్ట్ టెక్నాలజీస్
Read this also… Excelsoft Technologies Files DRHP with SEBI for Rs.700 Crore IPO..
బాబాజీ కొన్నేళ్ళక్రితం శ్రీయుక్తేశ్వర్ గారితో పాశ్చాత్య దేశాల్లో క్రియాయోగ వ్యాప్తికి తాను ఎన్నిక చేసిన వ్యక్తి యోగానందగారు అని చెప్పి పెట్టడం వల్ల ఈ పిల్లవాడిని గురువుగారు మరొక గురువుగా తయారుచేసేందుకు కావలసిన శిక్షణ అప్పుడు ఆయన ఇస్తున్నారు.
యోగానంద గారు మొదట్లో తూర్పుదేశాల్లోనే ఒక సంస్థను స్థాపించడానికి వెనుకాడినా, తన గురువు ఆజ్ఞకు తలవంచి అందుకు అంగీకరించారు. 1917 లో ఆయన యోగదా సత్సంగ సొసైటీ ఆఫ్ ఇండియా (YSS) ని స్థాపించారు.
1920 లో భవిష్యవాణిలో చెప్పబడిన అమెరికా పిలుపు వచ్చింది. యువగురువు ఆ క్రొత్త దేశానికి బయలుదేరాడు. యోగం ఆ దేశానికి ఎంత అపరిచితమైనదో అక్కడి భాషా ఆయనకు అంతే. కానీ దైవసాక్షాత్కారం పొందిన ఒక గురువుకు కేవలం భాషా సమస్య ఎప్పటికీ అవరోధం కాలేకపోయింది.
ఆయన తన మొదటి ఆంగ్లప్రవచనం తనను పశ్చిమానికి తీసుకువెడుతున్న నౌకలోనే ఇవ్వవలసి వచ్చింది. ఆ తరువాత అమెరికాలో ఆయన మాట్లాడడానికి భగవంతుడు ఎన్నిక చేసిన ప్రతి నగరంలోనూ ఆయన ఉపన్యాసం వినడానికి వచ్చే శ్రోతలతో హాళ్లు నిండిపోయేవి. ఇది 1920 లో సెల్ఫ్ రియలైజెషన్ ఫెలోషిప్ (SRF) స్థాపనకు దారి తీసింది.
సాటిలేని ఈ గురువు-ఒక అద్భుతంగా నిలచిన-తన మహాసమాధి వరకూ సన్న్యాసులకూ, గృహస్తులకూ కూడా క్రియాయోగంలో శిక్షణ ఇచ్చారు. చనిపోయిన 20 రోజుల తరువాత కూడా ఆయన భౌతికకాయం ఎలాంటి విఘటన చిహ్నాలను చూపలేదు. శవాగార (మార్చురీ) డైరెక్టర్ అయిన శ్రీ హారీ టి.
Read this also… Excelsoft Technologies Files DRHP with SEBI for Rs.700 Crore IPO..
Read this also… Women Investors Embrace Mutual Funds: Key Insights from PhonePe Wealth
రోవ్ ఇలా తన పరిశీలనను నమోదు చేశారు, పరమహంస యోగానందగారి శరీరం “అద్భుత నిర్వికార స్థితి” లో నిలిచి ఉంది. మహాత్ముడైన ఈ గురువు జీవితంలోనూ, మరణంలోనూ యోగం మరియు ధ్యానం ద్వారా ప్రకృతిశక్తులపైన, కాలంపైన కూడా విజయం సాధించవచ్చని మానవజాతికి రుజువు చేశారు.
యోగానందగారు తన మాటల్లోనే చేసిన వాగ్దానం ప్రకారం ఆయన మహాసమాధి చెంది 73 ఏళ్ళు గడచినా, గృహ అధ్యయనం కోసం రూపొందించిన ఆత్మసాక్షాత్కార సాధనా పాఠాల ద్వారా శ్రద్ధాళువులైన తన శిష్యులకు క్రియాయోగాన్ని నేర్పిస్తూనే ఉన్నారు.
“ఆంతరిక ఆధ్యాత్మిక సహాయాన్ని నిజంగా అన్వేషిస్తూ యోగదా సత్సంగ సొసైటీ ఆఫ్ ఇండియా కి వచ్చిన వారందరూ వారు కోరుకునేది భగవంతుడి నుంచి తప్పక పొందుతారు. నేను శరీరంలో ఉన్నప్పుడు వాళ్ళు వచ్చినా, లేక తరువాత వచ్చినా.”
మరింత సమాచారం కోసం : yssofindia.org సందర్శించండి