365తెలుగు డాట్ కామ్ ఆన్ లైన్ న్యూస్,సెప్టెంబర్ 6,2025: ఎలక్ట్రానిక్స్ తయారీ సేవల (EMS) రంగంలో అగ్రగామిగా నిలుస్తున్న యూకేబీ ఎలక్ట్రానిక్స్ లిమిటెడ్ తమ ఇనిషియల్ పబ్లిక్ ఆఫరింగ్‌ (IPO) కోసం మార్కెట్ నియంత్రణ సంస్థ సెబీకి ముసాయిదా ప్రాస్పెక్టస్‌ (DRHP) దాఖలు చేసింది.
ఈ ఐపీవో ద్వారా కంపెనీ మొత్తం రూ.800 కోట్లు సమీకరించనుంది. ఇందులో రూ.400 కోట్ల విలువైన షేర్లు తాజాగా జారీ చేయగా, మిగతా రూ.400 కోట్ల షేర్లు ఆఫర్ ఫర్ సేల్ (OFS) రూపంలో ప్రస్తుత షేర్‌హోల్డర్లు విక్రయించనున్నారు. అర్హులైన ఉద్యోగులు ఎంప్లాయీ రిజర్వేషన్ భాగంలో దరఖాస్తు చేస్తే, వారికి షేర్ ధరపై ప్రత్యేక డిస్కౌంట్ లభించే అవకాశం ఉంది.
సమీకరించిన నిధులను కంపెనీ నిర్దిష్ట రుణాల చెల్లింపులకు, ప్రస్తుత తయారీ యూనిట్లలో యంత్రపరికరాల కొనుగోలుకు, అలాగే సాధారణ కార్పొరేట్ అవసరాలకు వినియోగించుకోనుంది.
దేశీయంగా ఒక ఉత్పత్తి డిజైన్‌ నుంచి తయారీ వరకు పూర్తి స్థాయి సేవలందించే సామర్థ్యం కలిగిన కొద్దిమంది సంస్థల్లో యూకేబీ ఎలక్ట్రానిక్స్ ఒకటి. కంపెనీ కార్యకలాపాలు కన్జ్యూమర్ ఎలక్ట్రానిక్స్, ఏరోస్పేస్ & డిఫెన్స్, మాస్ ట్రాన్స్‌పోర్టేషన్, ఆటోమొబైల్ (ఈ-మొబిలిటీ), పారిశ్రామిక & రిన్యువబుల్స్ విభాగాల్లో కొనసాగుతున్నాయి.
ప్రస్తుతం కంపెనీ ఎలక్ట్రానిక్ డిస్ట్రిబ్యూషన్ సిస్టమ్స్, అసెంబ్లీ కార్డ్స్, పీసీబీఏలు, ఈ-మొబిలిటీ చార్జింగ్ సొల్యూషన్స్ తదితర ఉత్పత్తులను తయారు చేస్తోంది. దీనికి ఇప్పటికే 170 పైగా గ్లోబల్ సర్టిఫికేషన్లు లభించాయి. కంపెనీ ఉత్పత్తులు 17 దేశాలకు ఎగుమతి అవుతున్నాయి.
Read This also…UKB Electronics Files DRHP with SEBI for Rs.800 Crore IPO..
దేశవ్యాప్తంగా పుణె, ఆహ్మద్‌నగర్, నోయిడా, గిలోత్, గోవా, సిటీ (ఆంధ్రప్రదేశ్), చెన్నై సహా 11 ప్రాంతాల్లో ఆధునిక తయారీ యూనిట్లు ఉన్నాయి. ఫార్చ్యూన్ 500 కంపెనీలతో పాటు ఎల్జీ ఎలక్ట్రానిక్స్ ఇండియా, పానసోనిక్ ఇండియా, క్యారియర్ మిడియా, హైయర్ అప్లయెన్సెస్ ఇండియా వంటి అగ్రశ్రేణి బహుళజాతి సంస్థలకు కూడా యూకేబీ సేవలు అందిస్తోంది.