విజయవాడలో అల్ట్రావయోలెట్ నూతన అనుభవ కేంద్రం ప్రారంభం..

365తెలుగు డాట్ కామ్ ఆన్ లైన్ న్యూస్, విజయవాడ, 15 నవంబర్ ,2025: తాజాగా మల్టీ-టెర్రైన్ మోటర్‌సైకిల్ X-47 క్రాస్‌ఓవర్ , రాడార్ కమ్యూనికేషన్‌తో కూడిన తొలి కార్బన్ ఫైబర్ హెల్మెట్ UV క్రాస్‌ఫేడ్‌ను మార్కెట్లోకి తీసుకొచ్చిన అల్ట్రావయోలెట్, ఇప్పుడు విజయవాడలో అత్యాధునిక అనుభవ కేంద్రాన్ని ప్రారంభించింది. ఈ కేంద్రం ప్రారంభంతో దేశవ్యాప్తంగా తమ విస్తరణ కార్యక్రమాలను మరింత వేగవంతం చేస్తున్నట్లు కంపెనీ ప్రకటించింది.

కొత్తగా ఆవిష్కరించిన UV స్పేస్ స్టేషన్, M/s ప్రోగ్రెసివ్ వీల్స్ భాగస్వామ్యంతో ఏర్పాటు చేయబడింది. ఇందులో X-47, F77 MACH 2, F77 సూపర్‌స్ట్రీట్ వంటి అధిక పనితీరు మోటర్‌సైకిళ్లను చూసేందుకు, అనుభవించేందుకు వినియోగదారులకు ప్రత్యేక అవకాశం కల్పించబడింది. ఇది టెస్ట్ రైడ్, అమ్మకాలు, సేవలు, ఉపకరణాలు—all-in-oneగా అందించే 3S సౌకర్యంగా రూపుదిద్దుకుంది.

ఈ కేంద్రంలో ప్రదర్శితమైన F77 సిరీస్ మోటర్‌సైకిళ్లు 40.2 hp పవర్, 100 Nm టార్క్ సామర్థ్యంతో కేవలం 2.8 సెకన్లలో 0 నుంచి 60 km/h వేగం అందుకోగలవు. 10.3 kWh బ్యాటరీతో ఒక్కసారి ఛార్జ్ చేస్తే 323 కిలోమీటర్ల ఐడిసి రేంజ్‌ను అందిస్తాయి.

అనుభవ కేంద్రం ప్రారంభోత్సవ సందర్భంగా అల్ట్రావయోలెట్ సీఈఓ ,సహ వ్యవస్థాపకుడు నారాయణ్ సుబ్రమణ్యం మాట్లాడుతూ—
“సాంస్కృతిక వారసత్వం,ఆధునికత కలగలిపిన నగరమైన విజయవాడలో మా మూడవ UV స్పేస్ స్టేషన్ ప్రారంభించడం ఆనందదాయకం. స్వచ్ఛ శక్తి, స్మార్ట్ సిటీ మిషన్ దిశగా ముందుకెళ్తున్న ఈ నగరం అల్ట్రావయోలెట్‌కు సహజ నిలయం. ప్రపంచ స్థాయి ఎలక్ట్రిక్ మొబిలిటీ అనుభవాన్ని భారతదేశం వ్యాప్తంగా అందించాలనే మా దృఢ సంకల్పానికి ఈ ఆరంభం నిదర్శనం,” అన్నారు.

తాజాగా కంపెనీ విడుదల చేసిన జెన్–3 పవర్‌ట్రెయిన్ ఫర్మ్‌వేర్,బాలిస్టిక్+ పనితీరు అప్‌గ్రేడ్ F77 పాత,కొత్త వినియోగదారులందరికీ ఉచితంగా అందుబాటులో ఉన్నాయి. ఇవి వేగవంతమైన ప్రతిస్పందన, మెరుగైన త్వరణం, అధునాతన నియంత్రణను అందిస్తాయి.

గత సంవత్సరం F77లో ట్రాక్షన్ కంట్రోల్, డైనమిక్ స్టెబిలిటీ కంట్రోల్, 10-స్థాయిల రీజెనరేటివ్ బ్రేకింగ్, హిల్-హోల్డ్ అసిస్ట్, వైలెట్ A.I. వంటి పలు ఫీచర్లు జోడించబడ్డాయి.

ఈ సంవత్సరం విడుదల చేసిన అల్ట్రావయోలెట్ ప్రధాన ఉత్పత్తులు కూడా మార్కెట్లో మంచి ఆదరణ పొందాయి. ప్రపంచంలోనే అత్యాధునిక ఎలక్ట్రిక్ స్కూటర్‌గా నిలిచిన ‘టెస్సెరాక్ట్’, ఇంటిగ్రేటెడ్ రాడార్, డాష్‌క్యామ్ వంటి ఫీచర్లతో వచ్చింది. అలాగే ప్రత్యేకంగా రైడింగ్ అనుభవం కోసం రూపొందించిన ‘షాక్‌వేవ్’ మోటర్‌సైకిల్ కూడా విపరీతమైన స్పందనను సొంతం చేసుకుంది.

విజయవాడ UV స్పేస్ స్టేషన్ చిరునామా: యలమంచిలి మాన్షన్, 54-15-1/B, NH-16, ఎగ్జిక్యూటివ్ క్లబ్ సమీపంలో, వెటర్నరీ కాలనీ, విజయవాడ – 520008.