365తెలుగుడాట్ కామ్ ఆన్ లైన్ న్యూస్, హైదరాబాద్, ఫిబ్రవరి13, 2023: వాలెంటైన్స్ వీక్‌లోని ప్రతి రోజు ప్రత్యేకంగా జరుపుకుంటారు. ప్రేమికుల దినోత్సవం సందర్భంగా జంటలు ఉత్సాహంగా ఉంటారు. వాలెంటైన్స్ డే అంటే లవర్స్ డే. ఈ రోజున జంటలు ఒకరితో ఒకరు కలిసి హ్యాపీగా గడుపుతారు.
ఇద్దరి భావాలను ఒకరికొకరు వ్యక్తం చేకుంటారు. ప్రేమికుల దినోత్సవాన్ని ప్రేమికుల రోజుగా జరుపుకుంటారు. వాలెంటైన్స్ డే అంటే భారతదేశంలోనే కాదు ప్రపంచంలోని చాలా దేశాల్లో సైతం జరుపుకుంటారు.
అయితే వాలెంటైన్స్ డే ఎప్పుడు మొదలైందో తెలుసా? ప్రేమికుల దినోత్సవాన్ని ఫిబ్రవరి 14న మాత్రమే ఎందుకు జరుపుకుంటారు? వాలెంటైన్స్ డే అనేది ఎవరి ప్రేమ కథతో ముడిపడి ఉన్న రోజు? ప్రేమికుల దినోత్సవానికి సంబంధించి ఒక ఆసక్తికరమైన కథ ఉంది.
ఇది ఒకరి ప్రేమ, త్యాగానికి అంకితం చేసిన ప్రత్యేకమైన రోజు. ఈ ప్రేమికుల దినోత్సవం సందర్భంగా, ప్రేమికుల దినోత్సవం చరిత్రను, ఫిబ్రవరి 14న జరుపుకోవడానికి గల కారణం,ప్రేమికుల దినోత్సవాన్ని జరుపుకునే కథను తెలుసుకోండి.
వాలెంటైన్స్ డే వేడుక ఎప్పుడు ప్రారంభమైంది?
వాలెంటైన్స్ డే ఫిబ్రవరి 14న జరుపుకుంటారు. రోమ్ రాజు క్లాడియస్ కాలంలో ఈ రోజు జరుపుకోవడం ఆనవాయితీగా మొదలయింది. ఆ సమయంలో రోమ్‌లో ఒక ప్రైస్ట్ ఉన్నాడు, అతని పేరు సెయింట్ వాలెంటైన్. వాలెంటైన్స్ డే జరుపుకోవడం అతని పేరు మీదనే మొదలైంది.
వాలెంటైన్స్ డే ఎందుకు జరుపుకుంటారు.?
నిజానికి, సెయింట్ వాలెంటైన్ ప్రపంచంలో ప్రేమను ప్రోత్సహించడం గురించి ఆలోచించేవారు. అయితే ఆ నగర రాజు క్లాడియస్‌కి ఈ విషయం నచ్చలేదు. ప్రేమ, వివాహం పురుషుల తెలివితేటలను శక్తిని నాశనం చేస్తుందని రాజు నమ్మాడు. కాబట్టి రాజ్యానికి చెందిన సైనికులు,అధికారులు వివాహం చేసుకోకూడదని రాజు ఆదేశాలు జారీ చేశాడు.
సెయింట్ వాలెంటైన్‌ను ఫిబ్రవరి14న ఉరితీశారు
సెయింట్ వాలెంటైన్ అనేక మంది అధికారులు, సైనికులను వివాహం చేసుకోవాలని రాజు ఆజ్ఞను ధిక్కరించాడు. దీనిపై రాజు ఆగ్రహంతో ఫిబ్రవరి 14న సెయింట్ వాలెంటైన్‌ను ఉరితీశాడు.
అతని మరణానంతరం, ప్రతి సంవత్సరం ఫిబ్రవరి 14న సెయింట్ వాలెంటైన్ త్యాగాన్ని గుర్తుచేసుకోవడానికి ‘ప్రేమ దినం’గా జరుపుకుంటారు.
సెయింట్ వాలెంటైన్ జైలర్ కుమార్తెకు కళ్లను దానం చేశాడు
ఆయన మరణాన్ని మరో ప్రత్యేక కారణంతో గుర్తు చేసుకున్నారు. ఆ రోజుల్లో నగరం చెరసాల అధికారికి యాకోబు అనే కుమార్తె ఉంది, ఆమె అంధురాలు.
చనిపోవడానికి ముందు సెయింట్ వాలెంటైన్ తన కళ్ళను జైలర్ కుమార్తెకు దానం చేశాడు. దీనితో పాటు, జాకోబస్‌కు ఒక లేఖ రాశారు, అందులో అతను ‘మీ వాలెంటైన్’ అని రాశాడు.