365తెలుగుడాట్ కామ్ ఆన్ లైన్ న్యూస్,హైదరాబాద్, మే 5, 2025 : భారత ఈక్విటీ మార్కెట్ ప్రస్తుతం ఆశావహ దశలో ఉన్నప్పటికీ, భౌగోళిక-రాజకీయ ఉద్రిక్తతలు, టారిఫ్ యుద్ధాల ప్రభావం ఇన్వెస్టర్లలో ఆందోళన కలిగిస్తున్నాయి.
FY25 చివరి త్రైమాసికంలో అనేక కంపెనీలు గణనీయమైన ఆదాయ వృద్ధిని నమోదు చేసినప్పటికీ, మార్కెట్ అనిశ్చితుల నేపథ్యంలో వాల్యూ ఇన్వెస్టింగ్ విధానం ఇన్వెస్టర్లకు సురక్షిత ఎంపికగా మారుతోంది.
ప్రస్తుత మార్కెట్ పరిస్థితుల్లో లార్జ్ క్యాప్ షేర్లు రిస్క్-రివార్డ్ సమతుల్యతను అందించే అవకాశాలతో ఆకర్షణీయంగా కనిపిస్తున్నాయి. అయితే, మిడ్ , స్మాల్ క్యాప్ షేర్ల వేల్యుయేషన్లు దీర్ఘకాలిక సగటుల కంటే ఎక్కువగా ఉన్నాయి.
రాబోయే రోజుల్లో కంపెనీల నాణ్యత, మార్జిన్ ధోరణుల ఆధారంగా స్టాక్ ఎంపిక కీలక పాత్ర పోషించనుంది. ఈ నేపథ్యంలో, వాల్యూ ఆధారిత ఈక్విటీ ఫండ్స్, ముఖ్యంగా ఆకర్షణీయమైన ప్రైస్-టు-ఎర్నింగ్స్ (P/E) నిష్పత్తి, బలమైన వృద్ధి ఫండమెంటల్స్ ఉన్న స్టాక్స్‌పై దృష్టి సారించే ఫండ్స్, సురక్షిత ఎంపికలుగా గుర్తింపు పొందుతున్నాయి.
Also Read this.. PAUL & SHARK APPOINTS KL RAHUL AS THEIR GLOBAL BRAND AMBASSADOR – A FIRST FOR AN INDIAN FACE
ఇది కూడా చదవండి…యూట్యూబ్ న్యూ టూ పర్సన్ ప్రీమియం ప్లాన్.. నెలకు రూ. 219కు సభ్యత్వం..
వాల్యూ ఫండ్స్ సాధారణంగా మార్కెట్లో నెగటివ్ సెంటిమెంట్ లేదా తప్పుగా ధర నిర్ణయించబడిన కారణంగా, తమ అంతర్గత విలువ కంటే తక్కువ ధరకు ట్రేడ్ అవుతున్న స్టాక్స్‌లో పెట్టుబడులు పెడతాయి.
స్థిరమైన ఆదాయాలు, బలమైన క్యాష్ ఫ్లో, నిలకడైన పనితీరుతో దీర్ఘకాలిక పెట్టుబడులకు అనువైన, రీ-రేటింగ్‌కు అవకాశమున్న కంపెనీలను ఫండ్ మేనేజర్లు ఎంచుకుంటారు.
టాటా అసెట్ మేనేజ్‌మెంట్ ఫండ్ మేనేజర్ సోనమ్ ఉదాసీ మాట్లాడుతూ, “ఇటీవలి మార్కెట్ ర్యాలీ తర్వాత, ఇన్వెస్టర్లు నాణ్యమైన, స్థిరమైన రాబడులు అందించే స్టాక్స్‌పై దృష్టి పెట్టే అవకాశం ఉంది.
టారిఫ్ విధానాల్లో కఠినతర పరిస్థితుల నేపథ్యంలో, ఫైనాన్షియల్స్, యుటిలిటీస్, ఎనర్జీ, సిమెంట్, పెట్రోకెమికల్స్, సర్వీసెస్, డిఫెన్సివ్ ఎఫ్ఎంసీజీ వంటి దేశీయ ఆధారిత రంగాలు స్థిరమైన ఫలితాలు ఇవ్వగలవు,” అని తెలిపారు.
గత ఏడాది కాలంగా వాల్యూ ఇన్వెస్టింగ్ థీమ్ భారత మార్కెట్లో గణనీయమైన పనితీరు కనబరిచింది. వేల్యూ ఆధారిత మ్యుచువల్ ఫండ్స్ నిర్వహణలోని ఆస్తుల పరిమాణం (AUM) గణనీయంగా పెరగడం, ఈ ఫండ్స్‌పై ఇన్వెస్టర్ల ఆసక్తిని సూచిస్తోంది.
ఉదాహరణకు, టాటా ఈక్విటీ P/E ఫండ్ AUM 2025 మార్చి 31 నాటికి రూ. 8,004 కోట్లకు చేరగా, గత ఏడాది ఇది రూ. 7,301 కోట్లుగా ఉంది. FY25లో ఈ ఫండ్‌లోకి రూ. 884 కోట్లు నికర ఇన్‌ఫ్లోగా వచ్చాయి, ఇది FY24లో నమోదైన రూ. 484 కోట్లతో పోలిస్తే 83 శాతం ఎక్కువ.
ఇది కూడా చదవండి…యూట్యూబ్ న్యూ ఫీచర్: సెన్సిటివ్ థంబ్‌నెయిల్స్‌ను ఆటోమేటిక్‌గా బ్లర్ చేసే సాంకేతికత..
సోనమ్ ఉదాసీ నిర్వహణలోని టాటా ఈక్విటీ P/E ఫండ్, మూడేళ్ల కాలంలో 19.2 శాతం రాబడులు అందించి, నిఫ్టీ 500 TRI (13.9%), నిఫ్టీ 50 TRI (11.8%) బెంచ్‌మార్క్‌లను అధిగమించింది. గత ఐదేళ్లలో నెలవారీ రూ. 10,000 SIP ద్వారా పెట్టుబడి పెట్టిన ఇన్వెస్టర్లకు ఇది రూ. 9.2 లక్షల విలువకు చేరింది.
టాటా ఈక్విటీ P/E ఫండ్ కనీసం 70 శాతం నికర ఆస్తులను BSE సెన్సెక్స్ కంటే తక్కువ రోలింగ్ P/E నిష్పత్తి ఉన్న కంపెనీల ఈక్విటీ షేర్లలో పెట్టుబడి చేస్తుంది.
మార్కెట్ డైనమిక్స్‌కు అనుగుణంగా పోర్ట్‌ఫోలియో కేటాయింపులు డైనమిక్‌గా మారుతాయి, వేల్యుయేషన్, కంపెనీ పరిమాణం, మార్కెట్ క్యాపిటలైజేషన్, భవిష్యత్ వృద్ధి సామర్థ్యాలు దీనికి ఆధారంగా ఉంటాయి.
దీర్ఘకాలిక ఇన్వెస్టర్లు, ముఖ్యంగా కనీసం మూడేళ్ల వ్యవధితో పెట్టుబడులు పెట్టే వారికి, వేల్యూ ఫండ్స్ క్రమశిక్షణతో కూడిన, రిస్క్-అడ్జస్టెడ్ వృద్ధి అవకాశాలను అందిస్తాయి. ఇటువంటి ఫండ్స్ మార్కెట్ అనిశ్చితుల నడుమ స్థిరమైన రాబడుల కోసం ఆశాజనక ఎంపికగా నిలుస్తున్నాయి.