365తెలుగు డాట్ కామ్ ఆన్ లైన్ న్యూస్,సెప్టెంబర్ 9,2024: వినాయక చవితి పండుగ సందర్భంగా సంస్కృతి/ధార్మిక ఆచారాలను పాటిస్తూనే పర్యావరణహితమైన విధంగా నిమజ్జనాన్ని జరుపుకోవాలని కోరుకునే భక్తుల ఆకాంక్షలను తీర్చేందుకు వి(Vi) తోడ్పాటు అందించనుంది. ఇందులో భాగంగా ప్రత్యేకమైన నిమజ్జనం ట్యాంకుతో తీర్చిదిద్దబడిన వి వాహనాలు హైదరాబాద్‌లోని వివిధ ప్రాంతాల్లోని హౌసింగ్ సొసైటీలను సందర్శిస్తాయి.
కుకట్‌పల్లి, కుషాయ్‌గూడా, ఏఎస్ రావు నగర్, సనత్ నగర్, మూసాపేట్, కొండాపూర్, మదీనాగూడా, చందా నగర్, నిజాంపేట్, కేపీహెచ్‌బీ, అమీర్‌పేట్, కొంపల్లి, హయత్‌నగర్, సుచిత్ర, ఎల్‌బీ నగర్, మియాపూర్, తిరుమల్‌గిరి మొదలైన ప్రాంతాలు ఈ జాబితాలో ఉన్నాయి.
స్థానికులు తమ ఇంటి వద్దే సురక్షితంగా, పర్యావరణహితంగా నిమజ్జనాన్ని నిర్వహించేందుకు ఈ వాహనాల్లో ప్రత్యేకంగా ట్యాంకులు ఏర్పాటు చేయబడ్డాయి. విషపూరితమైన పెయింట్స్, మట్టి మొదలైనవి పేరుకుపోవడం వల్ల నీటి వనరులు కలుషితం కాకుండా, చెరువులు వంటి వాటిల్లోని జీవరాశులకు హాని కలగకుండా ఉండేలా చూసేందుకు, అలాగే నిమజ్జనం కోసం రద్దీగా ఉండే ప్రాంతాలకు వెళ్లే అవసరాన్ని తగ్గించేందుకు ఈ కార్యక్రమం రూపొందించబడింది.
“పండుగలను సంతోషంగా, బాధ్యతాయుతంగా జరుపుకోవాలని ఒక బ్రాండ్‌గా వి విశ్వసిస్తుంది. పండుగ వేడుకల్లో మేమూ పాలుపంచుకుంటున్నాం. అదే సమయంలో నిమజ్జనంతో పర్యావరణంపై పడే ప్రభావం గురించి కూడా మాకు అవగాహన ఉంది. ప్రస్తుతం ప్రజల్లో పర్యావరణంపై అవగాహన పెరిగింది.
చెరువుల్లాంటివి కలుషితం గాకుండా చూసేందుకు పౌరులంతా ఇంటి దగ్గరే నిమజ్జనం చేపట్టాలంటూ ప్రభుత్వం కూడా కోరుతోంది. ఈ నేపథ్యంలో కొత్త తరం భారతీయుల ఆకాంక్షలను గుర్తించి, పర్యావరణ అనుకూలమైన విధంగా గణేశ నిమజ్జనం చేయడంలో ప్రజలకు తోడ్పాటు అందించే దిశగా వి ఒక అర్థవంతమైన ముందడుగు వేస్తోంది.
నివాసితులందరు ఈ కార్యక్రమంలో పాలుపంచుకోవాలని, స్వచ్ఛమైన, హరిత హైదరాబాద్‌ను ప్రమోట్ చేయడంలో భాగం కావాలని మేము ఆహ్వానిస్తున్నాం. ఆంద్రప్రదేశ్, తెలంగాణ ప్రజలందరికీ వినాయక చవితి శుభాకాంక్షలు తెలియజేస్తున్నాం” అని వొడాఫోన్ ఐడియా క్లస్టర్ బిజినెస్ హెడ్ (ఏపీ & తెలంగాణ, కర్ణాటక) ఆనంద్ దాని తెలిపారు.