365తెలుగు డాట్ కామ్ ఆన్ లైన్ న్యూస్,జూన్ 18,2023: భారతదేశం,అత్యంత ప్రమాదకరమైన రహదారి, మరింత వినోదభరితమైన ప్రమాదం కలిగించేవి ప్రదేశాలలో ప్రయాణించే ముందు వందసార్లు ఆలోచించండి…ప్రమాదకరమైన ప్రదేశాలు ..
జమ్మూ కాశ్మీర్‌లోని జోజిలా పాస్ భారతదేశంలోని అత్యంత ప్రమాదకరమైన మార్గాలలో ఒకటిగా చెప్పవచ్చు. జాతీయ రహదారి 1D పై ఉన్న జోజిలా పాస్ శ్రీనగర్ నుంచి లేహ్‌ను కలుపుతుంది.
సముద్ర మట్టం నుంచి ఈ రహదారి ఎత్తు దాదాపు 3528 మీటర్లు అంటే 11575 అడుగులు. జోజిలా పాస్ మొత్తం పొడవు దాదాపు 9 కి.మీ. అయితే ఈ మార్గాన్ని కవర్ చేయడానికి చాలా గంటలు పడుతుంది.
జమ్మూ కాశ్మీర్‌లోనే ఉన్న కిల్లర్ నుండి కిష్త్వార్ మధ్య ఉన్న రహదారి దేశంలో, ప్రపంచంలోని అత్యంత ప్రమాదకరమైన రహదారులలో ఒకటిగా పరిగణించనుంది. పాంగి లోయలో ఉన్న ఈ రహదారిపై వాహనం నడపడం అత్యంత ప్రమాదకరంతో కూడుకున్న ప్రయాణం.
మున్నార్ రోడ్డు మున్నార్ నుండి కొచ్చిని కలిపే పాస్. సముద్ర మట్టానికి 1700 మీటర్ల ఎత్తులో ఉన్న ఈ రహదారి దాదాపు 130 కిలోమీటర్ల పొడవు ఉంటుంది. ఈ రహదారి మలుపులు, ఇరుకైనది, ఎత్తుపల్లాలతో నిండి ఉంది. సాయంత్రం వేళల్లో చీకటి,పొగమంచు కమ్ముకుంటుంది, కాబట్టి మీ కారులో ఫాగ్ లైట్లు లేకుంటే ఈ రోడ్డులో ప్రయాణించడం కష్టం.
నాథులా పాస్ భారతదేశంలోని అత్యంత ప్రమాదకరమైన రహదారిగా కూడా చెప్పవచ్చు. సిక్కింలోని డోగేక్యా శ్రేణిలో ఉన్న ఈ పాస్ హిమాలయాల క్రిందకు వస్తుంది. ఈ రహదారి 14 వేల 200 అడుగుల ఎత్తులో ఉంది. కైలాస మానస సరోవరం కూడా ఈ మార్గం గుండా చేరుకుంటుంది.
హిమాచల్ ప్రదేశ్‌లోని రోహ్తంగ్ పాస్ చాలా ప్రమాదకరమైన రహదారి. ఇక్కడ డ్రైవింగ్ చేయడం అందరికీ రాదు . మనాలి నుంచి రోహ్తంగ్ పాస్‌కి వెళ్లడం సాహసంతో కూడుకున్నదే అయినప్పటికీ ప్రమాదం కూడా అంతే ఎక్కువగా ఉంటుంది.
రోహ్తంగ్ పాస్ మనాలి-లేహ్ ప్రధాన రహదారిపై వస్తుంది, ఉత్తరాన మనాలి,దక్షిణాన కులు నగరం నుంచి 51 కి.మీ దూరంలో ఉంది. ఈ రహదారి ఎప్పుడూ మంచుతో కప్పబడి ఉంటుంది.
తమిళనాడులోని నమక్కల్ జిల్లాలోని కోలీ హిల్స్ రోడ్డు చాలా ప్రమాదకరంగాపరిగణించబడుతుంది. ఇక్కడ 70 హెయిర్‌పిన్ మలుపులు ఉన్నాయి, కాబట్టి ఈ రహదారి బైకర్లలో చాలా ప్రసిద్ధి చెందింది. ఆశ్చర్యకరమైన విషయమేమిటంటే, కోలి కొండల అక్షరార్థం ‘మృత్యు పర్వతం’ అని, ఈ రహదారిని చూస్తుంటే అదే అనిపిస్తోంది.