Thu. Jun 13th, 2024

365తెలుగు డాట్ కామ్ ఆన్ లైన్ న్యూస్,మే13,2023:జంతు ప్రేమికులకు భారతీయ రైల్వే శుభవార్త అందించింది. కుక్కలు, పిల్లుల కోసం కూడా ఆన్‌లైన్‌లో టికెట్ బుకింగ్ కోసం రైల్వే మంత్రిత్వ శాఖ ఇప్పుడు ప్రతిపాదనను సిద్ధం చేసింది.

రైల్వేల ఈ కొత్త సదుపాయంతో రైల్వే ప్రయాణికులు తమ పెంపుడు జంతువులను రైలులో సులువుగా తీసుకెళ్లగలుగుతారు. జంతు ప్రేమికులు తమ పెంపుడు జంతువుల కోసం AC-1 క్లాస్‌లో టిక్కెట్లు బుక్ చేసుకోవచ్చు. బరువు, దూరాన్ని బట్టి ఛార్జీలు ముందుగా నిర్ణయిస్తారు.

ఇప్పటి వరకు, ప్రయాణీకులు తమ పెంపుడు కుక్కలను లేదా పిల్లులను సెకండ్ క్లాస్ లగేజీలు, బ్రేక్ వ్యాన్‌లలో కుక్క పెట్టెలలో తీసుకెళ్లడానికి అనుమతించేవారు.

IRCTC కొత్త సిస్టమ్ ప్రకారం, ప్రయాణీకుల టిక్కెట్ ధృవీకరించిన తర్వాత మాత్రమే పెట్ బుకింగ్ చేసుకోవాల్సి ఉంటుంది. దీని కోసం, ప్రయాణీకుడు తన PNR మొబైల్ నంబర్‌ను IRCTC వెబ్‌సైట్‌లో నింపాలి. ఆథరైజ్డ్ నంబర్‌పై OTP వస్తుంది. OTP ఎంటర్ చేసిన వెంటనే బుకింగ్ ప్రక్రియ ప్రారంభ మవుతుంది.

రైల్వే మంత్రిత్వ శాఖకు సంబంధించిన వర్గాల సమాచారం ప్రకారం, కుక్కలు,పిల్లుల టిక్కెట్లను జారీ చేసే అధికారాన్ని టీటీఈకి కూడా ఇవ్వాలని పరిశీలిస్తున్నారు. ఇంతకుముందు, పెంపుడు జంతువులను ఇష్టపడే ప్రయాణికులు తమ పెంపుడు జంతువును రైలులో తీసుకెళ్లడానికి ప్లాట్‌ఫారమ్‌లోని పార్శిల్ బుకింగ్ కౌంటర్లలో టిక్కెట్లు బుక్ చేసుకోవాల్సి ఉండేది.

ఆ సమయంలో అనేక సమస్యలను ఎదుర్కోవలసి వచ్చేది. ప్రయాణీ కుల సౌకర్యాన్ని దృష్టిలో ఉంచుకుని, రైల్వే మంత్రిత్వ శాఖ కుక్కలు ,పిల్లుల కోసం ఆన్‌లైన్ టిక్కెట్ బుకింగ్ సౌకర్యాన్ని ప్రారంభించాలని ఆలోచిస్తోంది. ఇందుకోసం జంతువుల కోసం ఆన్‌లైన్ బుకింగ్ సదుపాయాన్ని ప్రారంభించేందుకు వీలుగా IRCTC సాఫ్ట్‌వేర్‌లో మార్పులు చేస్తున్నారు.

ఈ సాఫ్ట్‌వేర్ మార్పును రూపొందించి, ఈ ప్రతిపాదన ఆమోదించబడిన వెంటనే, మీరు మీ పెంపుడు జంతువు కోసం ఆన్‌లైన్‌లో టిక్కెట్‌లను బుక్ చేసుకోగలరు.

IRCTC కొత్త సిస్టమ్ ప్రకారం, ప్రయాణీకుల టిక్కెట్ ధృవీకరించిన తర్వాత మాత్రమే పెట్ కు సీటు బుకింగ్ అవుతుంది. దీని కోసం, ప్రయాణీకుడు తన PNR, మొబైల్ నంబర్‌ను IRCTC వెబ్‌సైట్‌లో నింపాలి. అధీకృత నంబర్‌పై OTP వస్తుంది. OTP ఎంటర్ చేసిన వెంటనే బుకింగ్ ప్రక్రియ ప్రారంభమవుతుంది.

ప్రక్రియ పూర్తయిన తర్వాత, మొబైల్ ఫోన్‌లో బుకింగ్ సందేశం వస్తుంది. ఈ సందేశం చార్ట్ తయారీ తర్వాత TTE హ్యాండ్ హెల్డ్ టెర్మినల్ (HHT)కి కూడా చేరుతుంది. IRCTC వెబ్‌సైట్ పార్శిల్ మేనేజ్‌మెంట్ సిస్టమ్ (PMS)కి లింక్ చేస్తారు. టిక్కెట్ బుకింగ్ సమయంలో ఛార్జీలు మొదలైనవి PMS ద్వారా నిర్ణయిస్తారు. ఐతే ఇందుకు సంబంధించిన పే మెంట్ మాత్రం తిరిగి చెల్లించబడదు.

AC II, AC III స్లీపర్ తరగతుల ప్రయాణికులు పెంపుడు జంతువులను తమతో తీసుకెళ్లడానికి అనుమతించరు. వారి పెంపుడు జంతువుల కోసం లింక్‌హాఫ్ మ్యాన్ బుష్ (ఎల్‌హెచ్‌బి) కోచ్‌లతో రైలులోని పవర్ కార్‌లో ప్రత్యేక డాగ్ బాక్స్‌లను కూడా తయారు చేస్తున్నారు.

వారి పెంపుడు జంతువు బుకింగ్ పార్శిల్ హౌస్‌లో కొనసాగుతుంది. డాగ్ బాక్స్‌కు 40 కిలోలు, మొదటి ఏసీ కూపేకి 60 కిలోలు ఛార్జీ. పెంపుడు జంతువులనే కాకుండా ఇతర జంతువులు, పక్షులను కూడా ఒక చోటి నుంచి మరో చోటికి పంపించే ఏర్పాట్లు రైల్వేశాఖలో ఉంది. ప్రతి ఒక్కరికీ వేర్వేరు నియమాలు ఉన్నప్పటికీ. భారతీయ రైల్వేలో పెంపుడు జంతువులు, కుక్కలు పెట్టెలను తీసుకెళ్లే ఏర్పాటు బ్రిటిష్ కాలం నాటిది.

ఇప్పటి వరకు ఇదే సిస్టమ్..

ఇంతకుముందు, ప్రయాణికులు తమతో పెంపుడు జంతువులను తీసుకెళ్లడానికి ఫస్ట్ క్లాస్ ఏసీ ,ఫస్ట్ క్లాస్ కోచ్‌లలో రెండు లేదా నాలుగు బెర్త్‌లతో కూడిన ఫుల్ కూపేలను బుక్ చేసుకోవాల్సి ఉండేది. దీనికి రుసుము కూడా ఎక్కువగానే ఉండేది.

ఒకవేళ బుక్ చేయకుంటే భారీగా జరిమానా విధించే నిబంధన ఉండేది. టిటిఇ టిక్కెట్ ధరకు ఆరు రెట్లు జరిమానా వసూలు చేసేవారు. అలాగే, ఇప్పటి వరకు ఏసీ టూటైర్, ఏసీ త్రీటైర్, ఏసీ చైర్ కార్, స్లీపర్ క్లాస్, సెకండ్ క్లాస్ కోచ్‌లలో పెంపుడు జంతువులను తీసుకెళ్లేందుకు ప్రయాణికులకు అనుమతి లేదు.