365తెలుగు డాట్ కామ్ ఆన్ లైన్ న్యూస్,ఒంగోలు, జూన్‌ 25 : ఆంధ్రప్రదేశ్‌ యూనియన్‌ ఆఫ్‌ వర్కింగ్‌ జర్నలిస్ట్స్‌ (ఏపీయూడబ్ల్యూజే) 36వ రాష్ట్ర మహాసభలను పురస్కరించుకొని, ఒంగోలు నగరంలో మంగళవారం ‘కృత్రిమ మేధ – సోషల్‌ మీడియా-వాస్తవాల నిర్ధారణ’ అనే కీలక అంశంపై ప్రత్యేక సెమినార్‌ జరిగింది.
ఏపీయూడబ్ల్యూజే రాష్ట్ర అధ్యక్షుడు ఐ.వి. సుబ్బారావు అధ్యక్షతన జరిగిన ఈ సదస్సులో ఏపీ ప్రెస్‌ అకాడమీ ఛైర్మన్‌ ఆలపాటి సురేష్‌ కుమార్‌, ఇండియన్‌ జర్నలిస్ట్స్‌ యూనియన్‌ (ఐజేయూ) అధ్యక్షుడు, తెలంగాణ మీడియా అకాడమీ ఛైర్మన్‌ కే. శ్రీనివాస్‌ రెడ్డి ముఖ్య అతిథులుగా పాల్గొన్నారు.
Read This also…Applications Open: Teach For India Invites Leaders for 2026 Fellowship
Read This also…TransUnion CIBIL Launches Next-Gen CreditVision® CMR to Boost Commercial Lending in India..
జర్నలిస్టులకు విలువైన సూచనలు అందించిన స్వామి ముద్దం..
ఈ సెమినార్‌లో ప్రధాన వక్తగా విచ్చేసిన స్వామి ముద్దం తమ ప్రసంగంతో జర్నలిస్టులకు అత్యంత విలువైన సూచనలు, దిశానిర్దేశం చేశారు. కృత్రిమ మేధ (ఏఐ) పెరుగుతున్న ప్రభావం, సోషల్‌ మీడియా వినియోగం, తప్పుడు సమాచారం వ్యాప్తి చెందుతున్న ప్రస్తుత తరుణంలో వాస్తవాల నిర్ధారణ (Fact-checking) ఆవశ్యకతను ఆయన లోతుగా వివరించారు.
ఈ ఆధునిక సవాళ్లను ఎదుర్కొంటూ జర్నలిస్టులు తమ వృత్తి నైతికతను ఎలా కాపాడుకోవాలనే అంశంపై ఆయన అందించిన విశ్లేషణ హాజరైన వారి ప్రశంసలు అందుకుంది. ఈ సందర్భంగా కే. శ్రీనివాస్‌ రెడ్డి సహకారానికి స్వామి ముద్దం ధన్యవాదాలు తెలిపారు.
సమగ్ర చర్చకు వేదికైన సెమినార్‌..
ఈ సెమినార్‌లో ఏపీయూడబ్ల్యూజే నాయకులు చందూ జనార్థన్, సురేష్‌, రమణ, కనకయ్య, రాంబాబు, వెంకట్రావు, మురళి ప్రసాద్‌ తదితరులు పాల్గొన్నారు. కృత్రిమ మేధ, సోషల్‌ మీడియా ప్రభావం, వాస్తవాల నిర్ధారణలో జర్నలిస్టుల పాత్రపై సమగ్ర చర్చ జరిగింది.
జర్నలిజం రంగంలో వస్తున్న నూతన ఒరవడులను, వాటిని ఎలా అర్థం చేసుకోవాలో ఈ సెమినార్‌ ద్వారా స్పష్టత లభించిందని నిర్వాహకులు పేర్కొన్నారు.
ఈ కార్యక్రమానికి భారీ సంఖ్యలో జర్నలిస్టులు హాజరై, తమ జ్ఞానాన్ని పెంపొందించుకున్నారు. పత్రికా రంగంలో ఎదురవుతున్న సవాళ్లను ఎదుర్కోవడానికి ఈ సదస్సు ఎంతగానో దోహదపడిందని పలువురు అభిప్రాయపడ్డారు.