365తెలుగు డాట్ కామ్ ఆన్ లైన్ న్యూస్, నవంబర్ 17,2025: భారతీయ వంటింట్లో లభించే అద్భుతమైన ఔషధాలలో పసుపు (Turmeric) అగ్రస్థానంలో ఉంటుంది. తరతరాలుగా మన పెద్దలు దీనిని ‘సంజీవని’గా భావిస్తారు. అయితే, ఈ పసుపుకు చిటికెడు నల్ల మిరియాలు (Black Pepper) కలిపి తయారుచేసే ‘మ్యాజికల్ వాటర్’ గురించి మీకు తెలుసా? ఈ రెండింటిని కలిపి ఉదయం ఖాళీ కడుపుతో తీసుకుంటే, మీ ఆరోగ్యం బలాదూర్ అవుతుందని నిపుణులు చెబుతున్నారు. ఈ అద్భుత కలయిక ఆరోగ్యానికి ఎలా మేలు చేస్తుందో చూద్దాం!
రోగనిరోధక శక్తికి తిరుగులేని బూస్టర్!
పసుపులో ప్రధానంగా ఉండే శక్తివంతమైన సమ్మేళనం ‘కర్కుమిన్’ (Curcumin). ఇది శరీరంలో శక్తిమంతమైన యాంటీఆక్సిడెంట్, యాంటీ-ఇన్ఫ్లమేటరీగా పనిచేస్తుంది. కానీ, ఈ కర్కుమిన్ శరీరం త్వరగా గ్రహించుకోవాలంటే, దానికి నల్ల మిరియాలలో ఉండే ‘పైపెరిన్’ (Piperine) తోడు కావాలి.
ఈ రెండూ కలిసినప్పుడు..
పైపెరిన్.. కర్కుమిన్ జీవ లభ్యతను (Bioavailability) అమాంతం పెంచుతుంది.
ఈ అద్భుత కలయిక రోగనిరోధక వ్యవస్థను బలోపేతం చేసి, ఇన్ఫెక్షన్లు, జలుబు, దగ్గు వంటి సీజనల్ వ్యాధులు దరిచేరకుండా కాపాడుతుంది.
ప్రధాన ఆరోగ్య ప్రయోజనాలు ఇవే..
- మంట (Inflammation)కు చెక్!
శరీరంలో దీర్ఘకాలికంగా ఉండే మంట అనేక వ్యాధులకు (కీళ్ల నొప్పులు, గుండె జబ్బులు వంటివి) మూలకారణం. పసుపు-మిరియాల నీరు శక్తిమంతమైన శోథ నిరోధక లక్షణాలను (Anti-Inflammatory) కలిగి ఉంటుంది. ఇది కీళ్ల నొప్పులు, వాపు మరియు అసౌకర్యాన్ని తగ్గించడంలో సహాయపడుతుంది. - జీర్ణక్రియ మెరుగుదల..
ఖాళీ కడుపుతో ఈ నీటిని తీసుకోవడం వల్ల జీర్ణ ఎంజైమ్‌లు చురుకై, ఆహారం సరిగా జీర్ణమవుతుంది. ఇది గ్యాస్, అజీర్ణం, మలబద్ధకం వంటి సమస్యల నుండి ఉపశమనం కలిగిస్తుంది. అంతేకాకుండా, ఇది పేగుల్లోని మంచి బ్యాక్టీరియాను కూడా కాపాడుతుంది.
- బరువు తగ్గడానికి మేలు..
ఈ పానీయం శరీరం “మెటబాలిజం (Metabolism)”ను వేగవంతం చేస్తుంది. కొవ్వు పేరుకుపోవడాన్ని నియంత్రించడంలో సహాయపడుతుంది. క్రమం తప్పకుండా తీసుకుంటే, శరీరంలోని విషపదార్థాలను (Toxins) బయటకు పంపి, బరువు నిర్వహణలో దోహదపడుతుంది.
- మెదడు ఆరోగ్యం..
పసుపు మెదడులో కొత్త నాడీ కణాలు ఏర్పడటానికి తోడ్పడే ప్రోటీన్ ఉత్పత్తిని పెంచడంలో సహాయపడుతుంది. ఈ డ్రింక్ జ్ఞాపకశక్తిని, మానసిక స్థితిని మెరుగుపరచడానికి, వయస్సు సంబంధిత అభిజ్ఞా నష్టం నుండి రక్షించడానికి సహాయపడుతుందని పరిశోధనలు సూచిస్తున్నాయి.
- రక్తంలో చక్కెర నియంత్రణ..
పసుపు నీరు ఇన్సులిన్ సున్నితత్వాన్ని మెరుగుపరచడంలో, రక్తంలో చక్కెర స్థాయిలను నియంత్రించడంలో సహాయపడుతుందని తేలింది. డయాబెటిస్ ప్రమాదం ఉన్నవారికి ఇది చాలా ప్రయోజనకరంగా ఉంటుంది.
‘మ్యాజికల్ వాటర్’ తయారుచేయడం ఎలా అంటే ..?
ఈ ఆరోగ్యకరమైన పానీయాన్ని తయారుచేయడం చాలా సులభం:
ఒక గ్లాసు గోరువెచ్చని నీటిని తీసుకోండి.అందులో అర టీస్పూన్ పసుపు పొడి (లేదా చిన్న పచ్చి పసుపు ముక్క) కలపండి. దానికి చిటికెడు నల్ల మిరియాల పొడి (Black Pepper Powder) కలపండి.
బాగా కలిపి, ఉదయం ఖాళీ కడుపుతో తాగండి.
ఈ సాధారణ చిట్కాను మీ దినచర్యలో భాగం చేసుకుంటే, మొత్తం ఆరోగ్యాన్ని మెరుగుపరుచుకోవచ్చు, శక్తిని పెంచుకోవచ్చు. దీర్ఘకాలిక వ్యాధులను సహజంగా నివారించుకోవచ్చు.
గమనిక: మీకు ఏవైనా ఆరోగ్య సమస్యలు ఉంటే, ఈ పానీయాన్ని తీసుకోవడం ప్రారంభించే ముందు వైద్య నిపుణులను సంప్రదించడం మంచిది.