365తెలుగు డాట్ కామ్ ఆన్ లైన్ న్యూస్, న్యూఢిల్లీ, జనవరి 2, 2026: కొత్త ఏడాది ప్రారంభంలోనే పొగాకు రైతులకు కేంద్రం గట్టి షాక్ ఇచ్చింది. సెంట్రల్ ఎక్సైజ్ సవరణ బిల్లు-2025 ద్వారా సిగరెట్లు, ఇతర పొగాకు ఉత్పత్తులపై పన్నులను భారీగా పెంచుతూ నోటిఫికేషన్ విడుదల చేసింది. ఈ నిర్ణయం ఆంధ్రప్రదేశ్, తెలంగాణ, కర్ణాటక, గుజరాత్ వంటి రాష్ట్రాల్లోని లక్షలాది మంది రైతుల జీవితాలను అంధకారంలోకి నెట్టేస్తుందని ‘ఫైఫా’ ఆందోళన వ్యక్తం చేస్తోంది.
హామీలు గాలికి: గతంలో జీఎస్టీ 2.0 ప్రకటించినప్పుడు పన్ను భారం పెరగదని (Revenue Neutral) ప్రభుత్వం హామీ ఇచ్చిందని, కానీ ఇప్పుడు 1000 స్టిక్స్పై రూ. 2,050 నుంచి రూ. 8,500 వరకు పన్ను పెంచడం ఆ హామీని తుంగలో తొక్కడమేనని ఫైఫా ప్రెసిడెంట్ మురళీ బాబు మండిపడ్డారు.
రైతులపై వివక్ష: ఎఫ్సివి (FCV) పొగాకు పండించే రైతులపై ఇప్పటికే భారీ పన్నుల భారం ఉంది. బీడీలు, ఇతర ఉత్పత్తులతో పోలిస్తే సిగరెట్ పొగాకుపై పన్నులు 30 నుంచి 50 రెట్లు ఎక్కువగా ఉన్నాయని, తాజా పెంపుతో ఈ వివక్ష మరింత ముదురుతుందని రైతులు వాపోతున్నారు.
స్మగ్లింగ్ ముప్పు: భారత్ ఇప్పటికే ప్రపంచంలోనే 4వ అతిపెద్ద అక్రమ సిగరెట్ మార్కెట్గా ఉంది. పన్నుల పెంపు వల్ల చట్టబద్ధమైన ఉత్పత్తుల ధరలు పెరిగి, వినియోగదారులు చౌకగా లభించే స్మగ్లింగ్ సిగరెట్ల వైపు మళ్లుతారని, ఇది విదేశీ ఉత్పత్తిదారులకు లాభం చేకూరుస్తుందని ఫైఫా హెచ్చరించింది.
కేంద్ర ప్రభుత్వం సిగరెట్లపై కస్టమ్స్ సుంకాన్ని భారీగా పెంపు..
ఇదీ చదవండి :2025లో భారతీయులు గూగుల్లో ఎక్కువగా వెతికిన ఆరోగ్య సందేహాలివే..!
Read this also:L&T Secures Major EPC Orders from SAIL to Fuel India’s Steel Expansion..
Read this also:Indian Real Estate Resurgence: PE Investments Surge 59% to $6.7 Billion in 2025..
సాగు ఖర్చుల భారం: ఒకవైపు ఎరువుల ధరలు 15% నుంచి 23% వరకు పెరిగాయని, కూలీల రేట్లు 7% పెరిగాయని.. ఇలాంటి పరిస్థితుల్లో పన్నుల పెంపు వల్ల డిమాండ్ తగ్గితే రైతులు కోలుకోలేని దెబ్బ తింటారని వివరించింది. గత దశాబ్ద కాలంలోనే సాగు విస్తీర్ణం గణనీయంగా తగ్గి 35 మిలియన్ పని దినాల ఉపాధి నష్టం వాటిల్లిందని గణాంకాలు చెబుతున్నాయి.
ప్రభుత్వానికి డిమాండ్లు:
పెంచిన ఎక్సైజ్ రేట్లను తక్షణమే వెనక్కి తీసుకోవాలి.
ఆదాయం తటస్థంగా ఉండేలా పన్ను రేట్లను పునర్వ్యవస్థీకరించాలి.
లక్షలాది మంది రైతులు, ఎంఎస్ఎంఈలు, చిల్లర వ్యాపారుల జీవనోపాధిని కాపాడాలి.
చట్టానికి లోబడి వ్యాపారం చేసే వారిని శిక్షించేలా పన్ను విధానాలు ఉండకూడదని, అక్రమ వాణిజ్యాన్ని అరికట్టేలా స్థిరమైన విధానాన్ని అనుసరించాలని ఫైఫా నాయకులు కేంద్ర ఆర్థిక శాఖకు విజ్ఞప్తి చేశారు.