అమెరికా టారిఫ్‌లపై కెనడా తీవ్ర స్పందన – ట్రూడో హెచ్చరిక..!

365తెలుగు డాట్ కామ్ ఆన్ లైన్ న్యూస్, ఫిబ్రవరి 28,2025: టొరంటో, రాయిటర్స్: అమెరికా, కెనడా నుంచి దిగుమతులపై కొత్త కఠినమైన టారిఫ్‌లను విధించాలని ప్రకటించింది అమెరికా. మార్చి 4 నుంచి కెనడాపై ఈ కొత్త టారిఫ్‌లు అమలులోకి వస్తాయి.

ఈ నిర్ణయంపై కెనడా ప్రధాన మంత్రి జస్టిన్ ట్రూడో అమెరికాకు కఠిన హెచ్చరిక జారీ చేశారు. “కెనడాపై అమెరికా టారిఫ్‌లు విధించకుండా కాపాడేందుకు మేము అన్ని రకాల ప్రయత్నాలు చేస్తున్నాం,” అని ట్రూడో అన్నారు.

ఇది కూడా చదవండి...వెంచ్ ఫిల్మ్ ఫెస్టివల్‌లో ప్రీమియర్‌గా శ్రుతి హాసన్ అంతర్జాతీయ తొలి చిత్రం ‘ది ఐ’

Read this also…What is the Difference Between the EB-5 Visa and the Gold Card Visa?

Read this also…What Impact Will Trump’s Announced Gold Card Plan Have on Indians?

ఇది కూడా చదవండి...EB-5 వీసా కంటే గోల్డ్ కార్డ్ వీసాలకు ఏంటి తేడా..?

అమెరికాకు తగినంత సమాధానం ఇస్తాం: ట్రూడో
“అమెరికా అన్యాయంగా మాపై టారిఫ్‌లు విధిస్తే, కెనడా ప్రజలు ఆశించే విధంగా మేము తీవ్రమైన ప్రతిస్పందన ఇస్తాం,” అని ట్రూడో స్పష్టం చేశారు.

అమెరికాలో ఫెంటానిల్ డ్రగ్స్ సంక్షోభం కారణంగా కెనడాపై టారిఫ్ విధిస్తున్నారని ట్రంప్ పేర్కొన్నారు. అయితే, అమెరికాకు చేరుతున్న ఫెంటానిల్‌లో కెనడా ద్వారా వచ్చేది ఒక శాతం కంటే తక్కువ అని ట్రూడో వివరణ ఇచ్చారు. “అమెరికాలో వ్యాప్తి చెందుతున్న సమస్యలకు కెనడా కారణం కాదని ట్రంప్ గ్రహించాలి,” అని ట్రూడో పేర్కొన్నారు.

అమెరికా ఎందుకు కెనడాపై టారిఫ్‌లు విధిస్తోంది?
అమెరికాలో ఫెంటానిల్ అనే డ్రగ్ వినియోగం విపరీతంగా పెరిగింది. ఇది అత్యంత శక్తివంతమైన నశాపదార్థం, దీని తక్కువ మోతాదుతోనే శరీరంపై తీవ్ర ప్రభావం చూపుతుంది.

ఇది కూడా చదవండి…భారతదేశంలో అభివృద్ధి చెందేందుకు పని గంటలు సహాయ పడుతున్నాయా..?

ఇది కూడా చదవండి…ట్రంప్ ప్రకటించిన గోల్డ్ కార్డ్ ప్లాన్ భారతీయులపై ఎలాంటి ప్రభావం చూపిస్తుంది..?

దీన్ని సాధారణంగా వైద్య చికిత్సల కోసం ఉపయోగిస్తారు. కానీ, కెనడా, మెక్సికో ద్వారా కొందరు అక్రమంగా ఈ డ్రగ్‌ను అమెరికాకు తరలిస్తున్నారు. ఫెంటానిల్ కారణంగా అమెరికాలో వేలాదిమంది మరణించారని అధికారుల వివరణ.

ట్రంప్ ఆరోపణలు:
కెనడా, ఈ డ్రగ్ అక్రమ రవాణాపై కఠిన చర్యలు తీసుకోవడం లేదని ట్రంప్ ఆరోపించారు. “కెనడా తగిన చర్యలు తీసుకునే వరకు టారిఫ్‌లు కొనసాగుతాయి,” అని ఆయన ప్రకటించారు.

ఇప్పుడేమవుతుంది?
ట్రూడో హెచ్చరికతో అమెరికా ఎలా స్పందిస్తుందో చూడాలి. ఈ వాణిజ్య యుద్ధం మరింత తీవ్రమవుతుందా? లేక చర్చల ద్వారా పరిష్కారం దొరుకుతుందా? అనేది ఆసక్తికరంగా మారింది.