365తెలుగు డాట్ కామ్ ఆన్ లైన్ న్యూస్,జూన్ 1,2025 : కొన్ని సార్లు చిన్న చిత్రాలు కూడా అద్భుతమైన ప్రభావాన్ని సృష్టిస్తాయి. అలాంటి కోవలోకి ఇప్పుడు ‘టుక్ టుక్’ సినిమా చేరింది.
ఇటీవల అమెజాన్ ప్రైమ్ వీడియోలో విడుదలైన ఈ చిత్రం, స్ట్రీమింగ్‌లో ఆశ్చర్యకరంగా నంబర్ 3 స్థానాన్ని దక్కించుకుంది. అంతేకాదు, ఇప్పటివరకు 100 మిలియన్లకు పైగా వ్యూస్ సాధించి, చిన్న సినిమాకు దక్కిన అరుదైన గౌరవంగా నిలిచింది.
ప్రేక్షకులు ఈ సినిమాను ఎంతగానో ఆదరిస్తూ, ప్రతి పాత్రను, నటీనటుల అభినయాన్ని ప్రశంసిస్తున్నారు. కథకు న్యాయం చేసిన దర్శకత్వం, నాటకీయతతో పాటు హాస్యాన్ని సమపాళ్లలో మేళవించిన స్క్రీన్‌ప్లే, అద్భుతమైన సంగీతం – ఈ ప్రతి అంశం సినిమాను ప్రత్యేకంగా నిలబెట్టాయి.
ఈ సినిమా ద్వారా నటించిన ప్రతి ఒక్కరికీ మంచి గుర్తింపు లభించింది. ముఖ్యంగా, యువ నటీనటులు తమ పాత్రల ద్వారా ప్రేక్షకుల హృదయాలను గెలుచుకున్నారు. కొందరు నటుల డైలాగ్ డెలివరీ సోషల్ మీడియాలో ట్రెండ్‌గా మారడం విశేషం.
ఇది కూడా చదవండి..
Also read.. Opal Suchata Wins Miss World 2025 in Hyderabad..
ఇది కూడా చదవండి..మిస్ వరల్డ్ 2025పోటీలతో తెలంగాణాకు ప్రపంచఖ్యాతి..
‘టుక్ టుక్’ లో పెద్ద స్టార్ క్యాస్ట్ లేదు, భారీ బడ్జెట్ లేదు. కానీ స్నేహితుల కృషి, సరికొత్త దృక్పథం, మనసుకు హత్తుకునే కథ ఈ అంశాలు ప్రేక్షకుల హృదయాలను గెలుచుకున్నాయి.
మంచి కంటెంట్‌కు ఎప్పుడూ ఆదరణ ఉంటుందని ఈ చిత్రం మరోసారి నిరూపించింది.ఈ సినిమా విజయంతో, చిన్న సినిమాల దర్శకులకు, నటులకు మరింత గౌరవం, ప్రోత్సాహం లభిస్తుందని ఆశిద్దాం.