365తెలుగు డాట్ కామ్ ఆన్ లైన్ న్యూస్,ఢిల్లీ,మార్చి 14, 2023: స్టాక్‌హోమ్ ఇంటర్నేషనల్ పీస్ రీసెర్చ్ ఇన్‌స్టిట్యూట్ (సిప్రి) తన నివేదికలో భారత్ ప్రపంచంలోనే అతిపెద్ద ఆయుధాల దిగుమతిదారు అని పేర్కొంది.
నివేదిక ప్రకారం, 2013-17 , 2018-22 మధ్య భారతదేశం ఆయుధాల కొనుగోళ్లు 11 శాతంఉన్నప్పటికీ భారతదేశం అతిపెద్ద ఆయుధ కొనుగోలుదారుగా ఉంది.
నివేదిక ప్రకారం, 2013-17, 2018-22 మధ్య భారతదేశం ఆయుధాల కొనుగోళ్లు 11 శాతం తగ్గాయి, అయినప్పటికీ భారతదేశం అతిపెద్ద ఆయుధ కొనుగోలుదారుగా ఉంది.
గత ఐదేళ్లలో ప్రపంచంలో కొనుగోలు చేసిన అన్ని ఆయుధాల్లో భారత్ మాత్రమే 11 శాతం కొనుగోలు చేసింది. కొనుగోళ్లతో సౌదీ అరేబియా (9.6 శాతం) రెండో స్థానంలో ఉంది.
వాటి తర్వాత ఖతార్ (6.4%), ఆస్ట్రేలియా (4.7%) మరియు చైనా (4.7%) ఉన్నాయి. భారత్‌లో ఆయుధాల తయారీకి పెద్దపీట వేయడంతో ఈ బడ్జెట్‌లో భారత ఆయుధాల కొనుగోలుకు లక్ష కోట్ల రూపాయల బడ్జెట్‌ను ఖరారు చేశారు.
మోడీ ప్రభుత్వం చేపట్టిన మేక్ ఇన్ ఇండియా
భారతదేశ ఆయుధాల కొనుగోలు తగ్గడానికి కారణం మేక్ ఇన్ ఇండియా కార్యక్రమం అని, దీని కింద భారత ప్రభుత్వం ఆయుధాలలో స్వయం సమృద్ధి సాధించడంపై దృష్టి సారిస్తోందని నివేదికలో వెల్లడైంది.
గత నాలుగు నుంచి ఐదు సంవత్సరాలలో భారతదేశం ఆయుధాలలో స్వయం సమృద్ధి సాధించే దిశగా ముఖ్యమైన అడుగులు వేసింది.
భారతదేశంలో తయారయ్యే ఆయుధాల కోసం ప్రత్యేక బడ్జెట్‌ను కేటాయించడం, రక్షణ రంగంలో విదేశీ ప్రత్యక్ష పెట్టుబడుల పరిమితిని 49 శాతం నుంచి 74 శాతానికి పెంచడం, అనేక ఆయుధాల కొనుగోలుపై నిషేధం వంటివి ఉన్నాయి.
భారత్‌లో ఆయుధాల తయారీకి పెద్దపీట వేశారు. అందులోభాగంగా ఈ బడ్జెట్‌లో భారత ఆయుధాల కొనుగోలుకు లక్ష కోట్ల రూపాయల బడ్జెట్‌ను కేటాయించారు. విశేషమేమిటంటే, గత మూడేళ్లలో, దానిలో నిరంతర పెరుగుదల ఉంది.
మూడేళ్ల క్రితం భారత్‌లో తయారయ్యే ఆయుధాలు, ఇతర వస్తువుల కొనుగోలుకు బడ్జెట్‌లో 51 వేల కోట్ల రూపాయలు కేటాయించగా, వచ్చే ఏడాది దాన్ని 70 వేల కోట్ల రూపాయలకు, ఆపై 84 వేల కోట్ల రూపాయలకు పెంచారు. ఇప్పుడు అది లక్ష కోట్ల రూపాయలకు పెరిగింది.
2018-19లో రక్షణ బడ్జెట్‌లో విదేశీ కొనుగోళ్లు 46 శాతం నుంచి 36.7 శాతానికి తగ్గాయని సోమవారం నాడు రక్షణ శాఖ సహాయ మంత్రి అజత్ భట్ రాజ్యసభలో తెలిపారు.
2024-25 సంవత్సరం నాటికి లక్షా 75 వేల కోట్ల రూపాయల విలువైన భారతీయ ఆయుధాలను కొనుగోలు చేయాలని భారత్ లక్ష్యంగా పెట్టుకుంది. దీంతో పాటు ఎగుమతులను 35 వేల కోట్లకు పెంచాలని లక్ష్యంగా పెట్టుకున్నారు.
అమెరికా అతిపెద్ద ఆయుధ ఎగుమతిదారు..
SIPRI నివేదిక ప్రకారం, US ప్రపంచంలోనే అతిపెద్ద ఆయుధాల ఎగుమతి దారుగా ఉంది, ఇది ప్రపంచంలోని మొత్తం ఆయుధాల ఎగుమతుల్లో 40 శాతం వాటాను కలిగి ఉంది. ఆయుధాల ఎగుమతుల్లో 16 శాతం వాటాతో అమెరికా తర్వాత రష్యా రెండో అతిపెద్ద ఆయుధ ఎగుమతిదారు.
ఆ తర్వాతి స్థానాల్లో ఫ్రాన్స్ (11 శాతం), చైనా (5.2 శాతం), జర్మనీ (4.2 శాతం) ఉన్నాయి. US ఆయుధాల ఎగుమతులు 2013 నుంచి14 శాతం పెరిగాయి, రష్యా ఆయుధాల ఎగుమతులు 31 శాతం తగ్గాయి.
రష్యా ఆయుధాలపై భారత్ ఆధారపడటం తగ్గింది
నివేదికలో మరో ముఖ్యమైన విషయం ఏమిటంటే రష్యా ఆయుధాలపై భారత్ ఆధారపడటం తగ్గింది. రష్యా నుంచి భారత్ ఆయుధాల దిగుమతులు 37 శాతం తగ్గాయి. రష్యా-ఉక్రెయిన్ యుద్ధం కారణంగా, రష్యాపై అనేక ఆంక్షలు విధించాయి.
దీని కారణంగా రష్యా ఆయుధాల ఎగుమతులు కూడా తగ్గాయి. అలాగే ఉక్రెయిన్ యుద్ధం కారణంగా రష్యా ఆయుధాలను కొనుగోలు చేసేందుకు అమెరికా మిత్రదేశాలు ఆసక్తి చూపడం లేదు.
యుద్ధం కారణంగా ఉక్రెయిన్ ఆయుధాల కొనుగోళ్లు కూడా పెరిగాయి. 2022 సంవత్సరంలో, ఉక్రెయిన్ ప్రపంచంలో మూడవ అతిపెద్ద ఆయుధ దిగుమతిదారుగా ఉంది, అయితే 2018-22లో, ఉక్రెయిన్ ప్రపంచంలో 14వ అతిపెద్ద ఆయుధ దిగుమతిదారుగా ఉంది