365తెలుగుడాట్ కామ్ ఆన్ లైన్ న్యూస్,హైదరాబాద్, మే 4, 2025 : దేశవ్యాప్తంగా వైద్య విద్యార్థుల భవిష్యత్తును నిర్ణయించే నీట్ యూజీ 2025 పరీక్ష ఈ రోజు (మే 4, 2025) జరగనుంది. నేషనల్ టెస్టింగ్ ఏజెన్సీ (ఎన్‌టీఏ) నిర్వహించే ఈ పరీక్షకు లక్షలాది మంది విద్యార్థులు హాజరవుతున్నారు. పరీక్షా సమయం, విధానం, డ్రెస్ కోడ్‌తో పాటు ముఖ్య వివరాలను ఇక్కడ తెలుసుకోండి.
పరీక్షా సమయం..
నీట్ యూజీ పరీక్ష మధ్యాహ్నం 2:00 గంటల నుంచి సాయంత్రం 5:20 గంటల వరకు జరుగుతుంది. అభ్యర్థులు ఉదయం 11:00 గంటలకే పరీక్షా కేంద్రాలకు చేరుకోవాలని ఎన్‌టీఏ సూచించింది. 1:30 గంటల తర్వాత ఎవరినీ కేంద్రంలోకి అనుమతించరు.
పరీక్షా విధానం..
పరీక్ష మొత్తం 720 మార్కులకు నిర్వహించబడుతుంది. ఫిజిక్స్, కెమిస్ట్రీ, బయాలజీ (బోటనీ & జువాలజీ) విభాగాల నుంచి 200 ప్రశ్నలు ఉంటాయి. ఇందులో 180 ప్రశ్నలకు సమాధానం రాయాలి. ప్రతి సరైన సమాధానానికి 4 మార్కులు, తప్పు సమాధానానికి 1 మార్కు తగ్గింపు. పరీక్ష ఆఫ్‌లైన్ (పెన్-పేపర్) విధానంలో 13 భాషల్లో నిర్వహించబడుతుంది, వీటిలో తెలుగు కూడా ఒకటి.
Also Read this.. PAUL & SHARK APPOINTS KL RAHUL AS THEIR GLOBAL BRAND AMBASSADOR – A FIRST FOR AN INDIAN FACE
Also Read this.. ITC Dermafique Unveils Landmark Report & Knowledge Centre for Indian Skin Health
డ్రెస్ కోడ్:
అభ్యర్థులు సాధారణ, సౌకర్యవంతమైన దుస్తులు ధరించాలి. హెవీ డిజైన్ దుస్తులు, ఆభరణాలు నిషిద్ధం. చెప్పులు లేదా శాండిల్స్ ధరించాలి; షూస్ అనుమతించబడవు.
పరీక్షా కేంద్రంలో ముసుగు, చేతి గడియారాలు, ఎలక్ట్రానిక్ వస్తువులు తీసుకెళ్ల కూడదు.
ముఖ్య సూచనలు..
అడ్మిట్ కార్డ్, ఒరిజినల్ ఫోటో ఐడీ (ఆధార్ కార్డ్ లేదా ఇతర గుర్తింపు కార్డ్) తప్పనిసరిగా తీసుకెళ్లాలి. పరీక్షా కేంద్రంలో బయోమెట్రిక్ వెరిఫికేషన్ ఉంటుంది. నీట్ యూజీ పరీక్షా నిబంధనలను ఉల్లంఘిస్తే అభ్యర్థిత్వం రద్దు చేస్తారు. విద్యార్థులు ఎలాంటి ఒత్తిడి లేకుండా, నమ్మకంతో పరీక్ష రాయాలని అధికారులు సూచించారు. మరిన్ని వివరాల కోసం అధికారిక వెబ్‌సైట్ neet.nta.nic.inని సందర్శించవచ్చు.