365తెలుగు డాట్ కామ్ ఆన్ లైన్ న్యూస్, హైదరాబాద్‌, ఏప్రిల్ 7,2025: నో-షుగర్ శ్రేణిలో కొత్త అడుగు వేస్తూ, కోకాకోలా ఇండియా ఆవిష్కరించిన థమ్స్ అప్ ఎక్స్‌ఫోర్స్ ప్రీ-బుకింగ్ ద్వారా వినియోగదారులకు అందుబాటులోకి వచ్చింది. ప్రముఖ క్విక్ కామర్స్ ప్లాట్‌ఫారమ్ జెప్టోతో థమ్స్ అప్ కలసి తీసుకొచ్చిన ఈ ప్రయోగం, శక్తివంతమైన రుచిని చక్కెర లేకుండా అందించడమే లక్ష్యంగా ఉంది.
బ్లాక్ డిజైన్‌లో ఆకర్షణీయంగా రూపుదిద్దుకున్న ఈ ఉత్పత్తి, యువతలో ఎనర్జీని, ధైర్యాన్ని ప్రతిబింబించేలా రూపొందించబడినదని సంస్థ ప్రతినిధులు తెలిపారు. “ఆల్ థండర్, నో షుగర్” అనే ట్యాగ్‌లైన్‌తో ఈ డ్రింక్ విడుదలవుతోంది.
ఇది కూడా చదవండి…10వేల ఎలక్ట్రిక్ వాహనాల కోసం EV91–BattRE భాగస్వామ్యం
Read this also…Air Pollution Identified as a Major Cause Behind Rising Heart Diseases
బ్రాండ్ 50 ఏళ్ల ఘన చరిత్రను జరుపుకునే వేళ, ఈ నూతన ఎడిషన్ మరో మైలురాయిగా నిలవనుందని కోకాకోలా ఇండియా కేటగిరీ హెడ్ సుమేలి ఛటర్జీ తెలిపారు. వినియోగదారులు ఎప్పుడో ఎదురుచూస్తున్న నో-షుగర్ వేరియంట్‌ను శక్తివంతమైన ఫిజ్‌తో రూపొందించామన్నారు.
ఈ ఉత్పత్తికి ఇప్పటికే డిమాండ్ పెరుగుతున్న నేపథ్యంలో, జెప్టో తన యాప్‌లో ప్రత్యేకంగా ప్రీ-బుకింగ్ ఫీచర్‌ను ప్రవేశపెట్టింది. సాధారణంగా ఎలక్ట్రానిక్ ఉత్పత్తుల్లో కనిపించే ఈ ఫీచర్‌ను ఒక బేవరేజ్ బ్రాండ్‌కు వినియోగించడం పరిశ్రమలోనే ప్రథమం అని జెప్టో సహవ్యవస్థాపకుడు కైవల్య వోహ్రా పేర్కొన్నారు. వేలాదిమంది వినియోగదారులు ఇప్పటికే ప్రీ-బుకింగ్ చేసుకోవడం గమనార్హం.
ఈ భాగస్వామ్యం, టెక్నాలజీ ద్వారా వినూత్న మార్గాల్లో నూతన ఉత్పత్తులను వినియోగదారుల ముందుకు తీసుకురావడంలో బ్రాండ్‌లు కలిసి ఎలా పనిచేయగలవో చాటి చెబుతోందని సంస్థ ప్రతినిధులు తెలిపారు.
ఇది కూడా చదవండి…చైల్డ్ ఆర్టిస్ట్ నుంచి జిల్లా కలెక్టర్ వరకు – హెచ్‌ఎస్ కీర్తన స్ఫూర్తిదాయక ప్రయాణం
ఇది కూడా చదవండి…వక్ఫ్ సవరణ బిల్లుకు రాష్ట్రపతి ద్రౌపది ముర్ము ఆమోదం అమలులోకి కొత్త చట్టం..
థమ్స్ అప్ ఎక్స్‌ఫోర్స్ త్వరలో దేశవ్యాప్తంగా అందుబాటులోకి రానుంది. అయితే, జెప్టో వినియోగదారులు మాత్రం ముందుగానే ఈ నూతన ఉత్పత్తిని ఆస్వాదించే అవకాశాన్ని పొందనున్నారు.