365తెలుగు డాట్ కామ్ ఆన్ లైన్ న్యూస్, మార్చి 4,2025: ఫిలిప్పీన్స్‌లోని అంతర్జాతీయ వరి పరిశోధనా సంస్థ (ఇరి) డిప్యూటీ డైరెక్టర్ జనరల్, ప్రముఖ వ్యవసాయ శాస్త్రవేత్త డాక్టర్ అజయ్ కోహ్లీ, ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం నిర్వహించిన “భవిష్యత్తు బాగు కోసం వరి పరిశోధన” అనే ప్రత్యేక సదస్సులో ముఖ్య వక్తగా పాల్గొన్నారు.
వ్యవసాయ విశ్వవిద్యాలయం ఉపకులపతి ప్రొఫెసర్ ఆల్దాస్ జానయ్య ఆహ్వానం మేరకు ఫిలిప్పీన్స్ నుండి వచ్చిన ఆయన, మంగళవారం విశ్వవిద్యాలయాన్ని సందర్శించారు.
ఇది కూడా చదవండి…రాజకీయ వ్యూహం : అందరికీ న్యాయం చేసేందుకు చంద్రబాబు కీలక నిర్ణయాలు..
ఇది కూడా చదవండి…హోర్డింగుల తొలగింపునకు గడువు – అనుమతి లేనివి తొలగింపు తప్పదు!
ఇది కూడా చదవండి…పాత లే ఔట్ల‌పై కబ్జాల జోరు – హైడ్రా ప్ర‌జావాణికి 49 ఫిర్యాదులు
ఈ సందర్భంగా, శాస్త్రవేత్తలు, పరిశోధన విద్యార్థుల్ని ఉద్దేశించి ప్రసంగించిన డాక్టర్ అజయ్ కోహ్లీ, ఇరి సంస్థ అభివృద్ధి చేసిన కొత్త వరి రకాల వల్ల ఆసియా ఖండంలో ఆహార భద్రత సాధ్యమైందని పేర్కొన్నారు. ఐఆర్-8, ఐఆర్-64 వంటి వంగడాలు విస్తృతంగా సాగుచేయడం ద్వారా భారతదేశంలో వరి ఉత్పత్తి గణనీయంగా పెరిగిందని తెలిపారు.
50% యూరియా వినియోగం తగ్గించే కొత్త రకాల పరిశోధనలు
ప్రస్తుతం సాగులో ఉన్న వరి పంటలలో నత్రజనిని సగానికి సగం తగ్గించి, దిగుబడిపై ప్రభావం లేకుండా కొత్త వరి రకాలను అభివృద్ధి చేసేందుకు పరిశోధనలు జరుగుతున్నాయని ఆయన వివరించారు.
ఈ కొత్త వంగడాలు అందుబాటులోకి వస్తే, యూరియా వినియోగం 50% తగ్గడం వల్ల భూమి నాణ్యత మెరుగుపడి, మానవ ఆరోగ్యానికి కూడా ప్రయోజనకరంగా మారుతుందన్నారు.
తెలంగాణలో వరి సాగుకు ప్రోత్సాహం – ఎగుమతులకు అవకాశం
వరల్డ్ ఫుడ్ ప్రైజ్ అవార్డు గ్రహీత డాక్టర్ సమరెండు మహంతి మాట్లాడుతూ, ఆగ్నేయ ఆసియా దేశాల అవసరాలను దృష్టిలో ఉంచుకుని తెలంగాణ రాష్ట్రంలో అధునాతన వరి రకాల సాగును ప్రోత్సహించాలి అని సూచించారు.
Read this also...Teach For India Announces Final Application Deadline for 2025 Fellowship
Read this also...Jo Sharma Makes a Stunning Appearance at Oscars 2025 for M4M Movie!
దీనివల్ల రైతుల ఆదాయం పెరగడంతో పాటు, ఎగుమతుల అవకాశాలు మెరుగుపడతాయని అభిప్రాయపడ్డారు. అలాగే, ఆధునిక రైస్ మిల్స్‌ను ఏర్పాటు చేసి, మిల్లర్స్‌కు శిక్షణ ఇచ్చితే, రైతులకు మరింత లాభం కలుగుతుందన్నారు.
పరిశోధనా సంస్థల పరిశీలన & అధికారులతో సమావేశం
ఈ సందర్భంగా డాక్టర్ అజయ్ కోహ్లీ, ప్రొఫెసర్ జయశంకర్ వ్యవసాయ విశ్వవిద్యాలయంలోని వరి పరిశోధనా కేంద్రం, బయోటెక్నాలజీ సంస్థలను సందర్శించి, శాస్త్రవేత్తలతో పరిశోధనలపై చర్చించారు.
పరిశోధనలు అభివృద్ధి చెందాలంటే బయోటెక్నాలజీ సంస్థను ఆధునీకరించాల్సిన అవసరం ఉందని ఆయన సూచించారు.
ఈ కార్యక్రమంలో భారతీయ వరి పరిశోధనా సంస్థ సంచాలకులు డాక్టర్ మీనాక్షి సుందరం, వ్యవసాయ విశ్వవిద్యాలయ పరిశోధన సంచాలకులు డాక్టర్ బలరాం, ఇతర శాస్త్రవేత్తలు, పరిశోధనా విద్యార్థులు పాల్గొన్నారు. అనంతరం తెలంగాణ వ్యవసాయ శాఖ కార్యదర్శి ఎం. రఘునందన్ రావును కలిసి రాష్ట్రంలో వరి పరిశోధన అభివృద్ధిపై చర్చించారు.