365తెలుగు డాట్ కామ్ ఆన్ లైన్ న్యూస్,ప్రయాగ్‌రాజ్‌, ఏప్రిల్ 16,2023: శనివారం రాత్రి ప్రయాగ్‌రాజ్‌లో మాఫియా అతిక్ అహ్మద్, అతని సోదరుడు అష్రఫ్ హత్యకు గురయ్యారు. మీడియా ప్రతినిధులుగా వచ్చిన ముగ్గురు దుండగులు ఈ ఘటనకు పాల్పడ్డారు. అనంతరం చేతులు ఎత్తేసి పోలీసులకు అప్పగించాడు.
ప్రయాగ్‌రాజ్‌లో మాఫియా అతిక్ అహ్మద్, అతని సోదరుడు అష్రఫ్ హత్యకు గురయ్యారు. ముగ్గురు దుండగులు విచక్షణారహితంగా కాల్పులు జరిపి సంచలనం సృష్టించారు. ఈ హత్యాకాండ తర్వాత ముఖ్యమంత్రి యోగి ఆదిత్యనాథ్ అధికారులతో ఉన్నత స్థాయి సమావేశం నిర్వహించారు.
ఆ తర్వాత రాష్ట్రవ్యాప్తంగా హైఅలర్ట్‌ జారీ చేస్తూ 144వ సెక్షన్ అమలు చేశారు. శనివారం రాత్రి జరిగిన ఈ హత్యోదంతం గురించి సంచలన విషయాలు ఇప్పుడు తెలుసుకుందాం..
ప్రయాగ్‌రాజ్‌లో శనివారం రాత్రి 10.30 గంటల ప్రాంతంలో అతీక్ అహ్మద్ ,అష్రఫ్ హత్యకు గురయ్యారు. ఇద్దరినీ పోలీసులు కస్టడీలో ఉంచి వైద్యం కోసం తరలిస్తుండగా.. ఇంతలో బైక్‌పై వచ్చిన ముగ్గురు దుండగులు మీడియా ప్రతినిధులుగా మెడికల్ కాలేజీలోకి ప్రవేశించి కాల్పులు జరిపారు. దీంతో అతిక్, అష్రఫ్ తలలకు బుల్లెట్లు తగలడంతో ఇద్దరూ అక్కడికక్కడే మృతి చెందారు.
సంఘటన తర్వాత, దాడి చేసినవారు నినాదాలు చేసి లొంగిపోయారు. దాడి చేసిన వారిని లవ్లేశ్ తివారీ, అరుణ్ మౌర్య, సన్నీగా గుర్తించారు. లవ్లేష్ బండా నివాసి కాగా, హమీర్‌పూర్‌కు చెందిన మూడో నిందితుడు అరుణ్ మౌర్య, సన్నీ కస్గంజ్‌కు చెందినవాడు. దాడి చేసిన వారు రెండు రోజులుగా ప్రయాగ్‌రాజ్‌లోని ఓ హోటల్‌లో బస చేసినట్లు సమాచారం.
హత్యాకాండ తర్వాత ముఖ్యమంత్రి యోగి ఆదిత్యనాథ్ డీజీ, ఏడీజీ, ప్రిన్సిపల్ సెక్రటరీతో అర్థరాత్రి సమావేశమయ్యారు. అరాచకాలను వ్యాప్తి చేసే వారిపై కఠిన చర్యలు తీసుకోవాలని ముఖ్యమంత్రి ఆదేశించారు.
చట్టంతో ఎవరూ ఆడుకోవద్దని ముఖ్యమంత్రి యోగి అన్నారు. ఎలాంటి వదంతులను పట్టించుకోవద్దని ప్రజలకు విజ్ఞప్తి చేశారు. పుకార్లు వ్యాప్తి చేసే వారిపై కఠిన చర్యలు తీసుకుంటామన్నారు.
ఈ ఘటన తర్వాత ఉత్తర్ ప్రదేశ్ పోలీసు యంత్రాంగం అప్రమత్తమైంది. రాష్ట్రంలో 144 సెక్షన్ అమలు చేశారు. ఎలాంటి గొడవలు జరగకుండా ప్రయాగ్‌రాజ్‌లో అదనపు పోలీసు బలగాలను మోహరించారు. ఆ ప్రాంతాన్నికంటోన్మెంట్‌గా మార్చారు. హోంశాఖ ప్రిన్సిపల్ సెక్రటరీ సంజయ్ ప్రసాద్‌ను ప్రయాగ్‌రాజ్‌కు పంపారు. అష్రఫ్, అతిక్ హత్యపై న్యాయ విచారణకు ఆదేశించారు యోగి ఆదిత్యనాథ్.
అతిక్, అష్రఫ్ హత్య తర్వాత ఆదివారం జరగాల్సిన సమావేశాన్ని ముఖ్యమంత్రి యోగి ఆదిత్యనాథ్ వాయిదా వేశారు. గతంలో షెడ్యూల్ చేసిన ప్రోగ్రామ్‌లన్నీ రద్దు చేసుకున్నారు.
హత్య కేసు విషయంలో ప్రతి రెండు గంటలకు రిపోర్టు చేయాలని అధికారులను నివేదిక ఇవ్వాలని సీఎం యోగి కోరారు. అంతే కాకుండా ముఖ్యమంత్రి నివాసం వద్ద భారీ భద్రతా ఏర్పాట్లు చేశారు.
అతిక్- అష్రఫ్ హత్య కేసులో పోలీసులు ఎఫ్ఐఆర్ నమోదు చేశారు. పోలీసులు ముగ్గురు నిందితులపై సెక్షన్ 302, 307 కింద ఎఫ్ఐఆర్ నమోదు చేశారు. ఆయుధాల చట్టంలోని సెక్షన్ 3,7, 25, 27 కింద ఎఫ్ఐఆర్ నమోదు చేశారు. అతిక్, అష్రఫ్‌లను హత్య చేసిన నిందితులను పోలీసులు విచారిస్తున్నారు. నిందితులు పోలీసులకు
అతిక్ ముఠాను అంత మొందించాలనుకున్నామని నిందితులు షాకింగ్ స్టేట్ మెంట్ ఇచ్చారు. రాష్ట్రంలో పేరు తెచ్చుకోవాలన్నారు. వారిద్దరినీ చంపడానికి మేము జర్నలిస్టులుగా వచ్చాము. హత్య చేశాక తప్పించుకోలేకపోయాం”అని వారు వెల్లడించారు.
మాఫియా అతిక్, అష్రఫ్‌ల మృతదేహాలను చాకియా కసరి మసారిలో ఉన్న శ్మశానవాటికలో ఈరోజే ఖననం చేయనున్నారు. ఇద్దరి మృతదేహాలను స్వరూపాణి నెహ్రూ ఆస్పత్రిలోని పోస్ట్‌మార్టం హౌస్‌లో భద్రపరిచారు. ఈరోజే ఇద్దరి అంత్యక్రియలు జరుగుతాయని, ఇందుకు సన్నాహాలు జరుగుతున్నాయని చెబుతున్నారు పోలీసులు.
అతిక్ అహ్మద్ కుమారుడు అసద్ అహ్మద్ మృతదేహాన్నిశనివారం నాడు ఖననం చేశారు. ఏప్రిల్ 13న ఝాన్సీలో అసద్ ఎన్‌కౌంటర్ జరిగింది. అనంతరం అతని అంత్యక్రియలు ఏప్రిల్ 15న అతిక్ అహ్మద్ పూర్వీకులకు చెందిన చాకియా కసరి మసారిలోని స్మశానవాటికలో జరిగాయి.
ఈ మారణకాండపై దర్యాప్తు చేసేందుకు సుప్రీంకోర్టు పర్యవేక్షణలో కమిటీ వేయాలని ఏఐఎంఐఎం అధినేత అసదుద్దీన్ ఒవైసీ అన్నారు. దీనిపై సుమోటోగా విచారణ చేపట్టాలని, కాలపరిమితితో కూడిన విచారణ జరగాలని నేను సుప్రీంకోర్టును అభ్యర్థిస్తున్నాను.
ఈ కమిటీలో ఉత్తరప్రదేశ్‌కు చెందిన ఏ అధికారి కూడా ఉండకూడదు ఎందుకంటే వారి సమక్షంలోనే ఈ హత్య జరిగింది. కాల్పులు జరిపి మతపరమైన నినాదాలు ఎందుకు చేస్తున్నారు? ఉగ్రవాదులు అనకపోతే దేశభక్తులు అంటారా? మీకు (బీజేపీ) పూల మాల వేస్తారా? ఎన్‌కౌంటర్‌తో కొందరు సంబరాలు చేసుకుంటున్నారు. మరికొందరు అవమానానికి గురవుతున్నారు”అని ఒవైసీ అన్నారు.
ఈ ఊచకోతపై బీఎస్పీ అధినేత్రి మాయావతి కూడా ప్రశ్నలు సంధించారు. ఉత్తరప్రదేశ్ ప్రభుత్వ శాంతిభద్రతలు, దాని పనితీరు, ఉమేష్ పాల్ దారుణ హత్య వలెనే, గుజరాత్ జైలు నుంచి అతిక్ అహ్మద్ బరేలీ జైలు నుంచి తీసుకువచ్చిన అతని సోదరుడు అష్రఫ్‌ను గత రాత్రి ప్రయాగ్‌రాజ్‌లో పోలీసు కస్టడీలో బహిరంగంగా కాల్చి చంపారని మాయావతి ఆరోపించారు. ఈ ఘటన పై అనేక అనుమానాలున్నాయని ఆమె పేర్కొన్నారు.
ఉత్తరప్రదేశ్‌లో నేరాలు తారాస్థాయికి చేరుకున్నాయని, నేరస్థులు మరింతగా పెరుగుతున్నారని అఖిలేష్ యాదవ్ ట్వీట్ చేశారు. పోలీసుల భద్రతా వలయం మధ్య బహిరంగంగా కాల్పులు జరగడాన్ని ఆయన తీవ్రంగా ఖండించారు.
ఇలాంటి ఘటనలు జరిగితే సాధారణ ప్రజలకు ఎంతమాత్రంభద్రత ఉంటుంది..? దీంతో ప్రజల్లో భయానక వాతావరణం ఏర్పడుతోందని, కొందరు కావాలనే ఇలాంటి వాతావరణాన్ని సృష్టిస్తున్నారని అఖిలేష్ యాదవ్ అన్నారు.